Иртышский районный маслихат

Жергілікті өкілді орган (мәслихат) - облыстың, республикалық маңызы бар қаланың және астананың немесе ауданның (облыстық маңызы бар қаланың) халқы сайлайтын, халықтың еркін білдіретін және Қазақстан Республикасының заңнамасына сәйкес оны іске асыру үшін қажетті шараларды айқындайтын және олардың жұмыс істеуін бақылайтын сайланбалы орган.

Мәслихат өз құзыреті шегінде тиісті аумақты дамытудың жоспарларын, экономикалық және әлеуметтік бағдарламаларын, жергілікті бюджетті және олардың орындалуы туралы есептерді бекітеді, олардың орындалуын бақылайды, олардың қарауына жатқызылған жергілікті әкімшілік-аумақтық орналастыру мәселелерін шешеді, Қазақстан Республикасының жер заңнамасына сәйкес жер қатынастарын реттеуді жүзеге асырады, азаматтар мен ұйымдардың нормаларын, Қазақстан Республикасының Конституциясын, заңдарын, Қазақстан Республикасы Президентінің актілерін, орталық және жергілікті мемлекеттік органдардың нормативтік құқықтық актілерін орындауына жәрдемдеседі.

Мәслихат өз өкілеттігін сессияларда, тұрақты комиссиялар мен өзге де органдар, мәслихат депутаттары мен хатшысы арқылы Қазақстан Республикасының заңнамасында белгіленген тәртіппен жүзеге асырады.

Мәслихат қызметінің негізгі нысаны мәслихат сессиясы болып табылады, оның қарауына заңдармен жатқызылған мәселелер шешіледі.