Ағымдағы жылдың 17 сәуірінде балалар ойын алаңдарын ағымдағы жөндеу мәселесі бойынша мәслихат депутаттарының көшпелі мониторингі өтті.

Көшпелі мониторингке құрылыс, көлік және ТҮКШ мәселелері жөніндегі тұрақты комиссияның төрағасы Ж. К. Жакупов, құрылыс, көлік және ТҮКШ мәселелері жөніндегі тұрақты комиссияның мүшесі А. Б. Иманкулов, қалалық мәслихат депутаты А. Б. Амургалинов қатысты.

6, 31, 8, 15 шағын аудандардың балалар ойын алаңдары қаралды. Мониторинг Жамбыл көшесіндегі ескі жылыжайға барып, ғимаратты бөлшектегеннен және құлатқаннан кейін қалған құрылыс қалдықтары мәселесі бойынша көше тұрғындарының өтініштерін қарастырумен аяқталды.

Көшпелі мониторинг қорытындысына сәйкес анықталған ескертулерді жою бойынша тапсырмалар мен ұсынымдар дайындалды.