Қазақта амандасу – жай ғана рәсім емес, үлкенге құрмет, кішіге ізет көрсетудің белгісі.

Мемлекеттік қызметте де әріптестермен амандасудың өзіндік мәдениеті болуы керек. Бір ортада жұмыс істейтін азаматтардың барлығына ортақ, әдепке сай қарапайым ишара – өзара құрметтің белгісі.

Мемлекет басшысы Қасым-Жомарт Тоқаев азаматтардың жүріс-тұрысында тәртіп пен тазалық әдебін қалыптастыру, ұлттық дәстүрлерімізге қайта оралу қажеттігін атап өтті.

Қызметтік ортада құшақтасып, шамадан тыс еркін амандасудан гөрі, барлығына бірдей түсінікті әрі әдепті сәлемдесу – кәсіби мәдениеттің көрінісі.

Бір сәлем – бірлікке,

бір ізет – сыйластыққа бастайды.

Қазақы тәрбие мен заманауи қызметтік әдепті ұштастыра білейік. Өйткені мемлекеттік қызметшінің әрбір іс-қимылы – мемлекеттік қызмет мәдениетінің, ал кең мағынада мемлекеттің айнасы.