Екібастуз қалалық мәслихатында Н.Қ.Макраевтың төрағалығымен тұрақты комиссиялардың кезекті отырысы өтті.

 

Депутаттық корпус алдында әкімдіктің бейінді бөлімдерінің басшылары З.Джаксыбаева, Е.Ақылтаев, экономика және қаржы бөлімі басшысының міндетін атқарушы Г.Чуканова егжей-тегжейлі баяндама жасады. Күн тәртібін талқылау барысында тұрақты комиссиялардың мүшелері ұсынылған нормативтік-құқықтық актілердің жобаларын зерделеп, ағымдағы жылға арналған қала бюджетін нақтылауға және кондоминиум объектісін басқаруға арналған жарналардың ең төменгі мөлшерін бекіту мәселесіне ерекше назар аударды.

Депутаттар қаралған нормативтік құжаттардың жобаларын мақұлдап, оларды қалалық мәслихаттың алдағы сессиясының бекітуіне ұсынды.