Құрметті қала тұрғындары!

Сіздерді Ұлыстың ұлы күні – Наурыз мерекесімен шын жүректен құттықтаймын!

Наурыз – жаңару мен жаңғырудың, береке мен бірліктің, татулық пен ізгіліктің мейрамы. Табиғат түлеп, күн мен түн теңелетін осы ерекше кезеңде халқымыз жақсылыққа үміт артып, жаңа бастамаларға қадам жасайды. Бұл – ата-бабамыздан келе жатқан игі дәстүрлерді дәріптейтін, ұлттық құндылықтарымызды ұлықтайтын айрықша мереке.

Бірлік пен өзара сыйластықты ту еткен халқымыз үшін Наурыз әрдайым ырыс пен ынтымақтың символы болып қала береді. Осы мерекеде әр шаңыраққа бақ-береке, амандық пен молшылық тілеймін. Әр отбасында қуаныш пен шаттық орнап, еліміз тыныш, жұртымыз аман болсын!

Қадірлі жерлестер!

Наурыз – өткенге тағзым жасап, болашаққа нық қадам басатын ерекше мереке. Осы жарқын мейрам әр шаңыраққа құт-береке, амандық пен шаттық әкелсін. Отбасыларыңызға денсаулық, бақ-береке, еңбектеріңізге табыс тілеймін.

Ортақ үйіміз – қаламыз күн санап көркейіп, бірлігіміз нығая берсін. Баршаңызға бейбіт өмір, жарқын болашақ және толайым табыстар тілеймін!

Ұлыс оң болсын, ақ мол болсын!

Наурыз мерекесі құтты болсын!

 

Нияз Макраев, Екібастұз қалалық мәслихатының төрағасы