2025 жылғы 28 қарашада мәслихат депутаты Т. Шмидттің төрағалығымен Екібастұз қалалық мәслихатының әлеуметтік сала мәселелері жөніндегі тұрақты комиссиясының отырысы өтті

2025 жылғы 28 қарашада мәслихат депутаты Т. Шмидттің төрағалығымен Екібастұз қалалық мәслихатының әлеуметтік сала мәселелері жөніндегі тұрақты комиссиясының отырысы өтті. Комиссия жұмысына мәслихат депутаттары, әкімдік бөлімдерінің  және БАҚ  өкілдері қатысты.

Күн тәртібі бойынша екі мәселе қаралды.

Бірінші мәселе бойынша Екібастұз қаласы әкімдігінің ішкі саясат бөлімінің бас маманы А. Рамазанова 2025 жылы жұмысшы мамандықтар жылын өткізуге  арналған  іс-шаралар жоспарын жүзеге  асыру аясында және жұмысшы мамандықтардың  беделін арттыруға бағытталған  өңірде өткізілген кәсіптік бағдарлау және білім беру іс-шараларының кешені, сондай-ақ  жастарды жұмысшы мамандықтарына тарту жайлы  хабардар етті.  Сондай-ақ жылдың қорытынды іс-шараларын өткізу жоспарларын айтты.

Екінші мәселе бойынша  жастар бастамаларын дамыту орталығының басшысы Е. Құсан 2025 жылы мемлекеттік жастар саясатын іске асыру барысы туралы баяндап, жастарды қолдау мен олардың бастамаларын дамытуға бағытталған негізгі жобалар мен қызмет түрлерін таныстырды.

Комиссия мүшелері еңбекке деген құрметті қалыптастыру, жастар бастамаларын қолдау және кәсіби бағдарлау бағдарламаларын дамыту жөніндегі жұмыстың маңыздылығын атап өтті.

Отырыс қорытындысы бойынша бейіндік бөлімдерге тиісті ұсыныстар берілді.