2025 жылғы 25 қарашада Н.К.Макраевтың төрағалығымен қалалық мәслихаттың кезекті сессиясы  өтті

 2025 жылғы 25 қарашада Н.К.Макраевтың төрағалығымен қалалық мәслихаттың кезекті сессиясы  өтті.

             Мәслихат депутаттары салық саясаты мен жер қатынастарына қатысты мәселелерді талқылады.              Екібастұз қаласында оңайлатылған декларация негізінде арнайы салық режимін қолдану кезінде салық мөлшерлемесінің мөлшерін төмендету мақұлданды. Бөлшек салық ставкасы 2026 жылғы 1 қаңтардан бастап жалпыға бірдей белгіленгеннен 25% - ға төмендетілді және осы режим бойынша жұмыс істейтін кәсіпкерлер үшін 3% мөлшерінде айқындалды. Екібастұз қаласы бойынша шетелдіктер үшін туристік жарнаның нөлдік мөлшерлемесі бекітілді.          

             Автотұрақтардың (паркингтердің) санаттарын белгілеу және автотұрақтарға (паркингтерге) бөлінген жерлерге салықтың базалық мөлшерлемелерін ұлғайту, сондай-ақ Екібастұз қаласы мен ауылдық аймақ бойынша жерлерге базалық салық мөлшерлемелерін түзету жөніндегі шешімдер қабылданды. Аталған актілерді қабылдаудан  қолданыстағы ставкалар өзгермейді, олар ҚР жаңа Салық кодексінің қабылдануына байланысты әзірленген.