Бір мақсат, бір рух!

Екібастұз қаласы жастар мәслихатының депутаттары С. Торайғыров университетінің жастарымен өткен «Жастар және көшбасшылар: Бір мақсат, бір рух!» атты кездесу мен интеллектуалды квизге қатысты. Іс-шара жастар көшбасшылығын дамытуға, командалық рухты қалыптастыруға және жастар мен жастар өзін-өзі басқару өкілдері арасындағы диалогты нығайтуға бағытталған.

Жастар мәслихатынан  Нұрлыбахыт Нұрланұлы Назарбаев, Алуа Сүйіндікқызы Болат, Мұхамед Әлібекұлы Тойшықожа қатысты.

Квиз барысында қатысушылар өздерінің білімдерін, логикасын, эрудициясын және командада жұмыс істеу қабілетін көрсетті. Зияткерлік сайыстың қорытындысы бойынша М.Тойшықожаның қатысуындағы команда 1-орынға ие болып, барлық қатысушылар арасында үздік нәтиже көрсетті.  Н.Назарбаевтың командасы көшбасшылар қатарында құрметті 2 орынға ие болды.

Іс-шара достық және ашық атмосферада өтіп, қатысушыларға тәжірибе алмасуға, ой-өрісін кеңейтуге және жастарды қоғамдық маңызы бар қызметке тартуға мүмкіндік берді. Жастар мәслихатының депутаттары университет жастары­мен өзара ынтымақтастықты жалғастыруға, сондай-ақ алдағы уақытта да осындай бастамаларға белсенді қатысуға дайын екендерін атап өтті.