Ағымдағы жылдың 25 қарашасында Жакупов Ж.К. төрағалығымен Екібастұз қалалық мәслихатының құрылыс, көлік және тұрғын үй-коммуналдық шаруашылық мәселелері жөніндегі тұрақты комиссиясының отырысы өтті

Ағымдағы жылдың 25 қарашасында Жакупов Ж.К. төрағалығымен Екібастұз қалалық мәслихатының құрылыс, көлік және тұрғын үй-коммуналдық шаруашылық мәселелері жөніндегі тұрақты комиссиясының отырысы өтті.

Комиссия жұмысына қалалық мәслихаттың төрағасы Макраев Н.К., қалалық мәслихат депутаттары, тұрғын үй инспекциясының, ТКШ, КК және АҚ бөлімдерінің басшылары, сондай-ақ коммуналдық кәсіпорындардың жетекшілері: «Energy Solution Center» ЖШС (Екібастұз ЖЭО), «Екібастұз жылу желілері» ЖШС, «Горводоканал» КМК және «Горэлектросеть» ЖШС қатысты.

Күн тәртібінде 2025–2026 жылдардағы жылыту маусымының барысы туралы мәселе қаралды. Коммуналдық қызметтердің басшылары атқарылған жұмыстар жөнінде есеп беріп, қаланың инженерлік жүйелерінің ағымдағы жай-күйі туралы баяндады.

«Energy Solution Center» ЖШС есебіне сәйкес, 10 қазан агрегаты мен бір турбогенератордың жөндеуі аяқталды. ЖЭО температуралық кестеге сәйкес жұмыс істейді: 4 қазан агрегаты іске қосылған, тағы 6-уы резервте тұр. Бюджет қаражаты есебінен жалпы ұзындығы 5 км-ден асатын II және VII жылу магистральдары реконструкцияланды, гидравликалық сынақтар жүргізілді.

13 км-ден астам аулааралық жылу желілері ауыстырылды. «Екібастұз жылу желілері» ЖШС 7 учаскеде (5,5 км) күрделі жөндеу жұмыстарын жүргізді. Жалпы алғанда, биыл 23 км-ден астам жылу желісі жаңғыртылды.

Қаладағы жылыту маусымы штаттық режимде өтіп жатқаны атап өтілді. Коммуналдық қызметтер қажетті техникамен, материалдармен және жабдықтармен қамтылған авариялық бригадалар құрды. Арнайы техниканың дайындығы мен жанармай қоры тексерілді, жылу-, су- және электрмен жабдықтау жүйелерінде туындауы мүмкін ақауларды жедел жою үшін авариялық қор жасалды.

Депутаттар өздерін қызықтырған сұрақтарын қойып, коммуналдық сектордың жұмысын жетілдіру бойынша ұсыныстар енгізді.

Отырыс қорытындысы бойынша тұрақты комиссия тиісті органдарға жолданатын ұсыныстар әзірледі.