2025 жылғы 25 қарашада Н.К.Макраевтың төрағалығымен қалалық мәслихаттың тұрақты комиссияларының кеңейтілген отырысы өтті

2025 жылғы 25 қарашада Н.К.Макраевтың төрағалығымен қалалық мәслихаттың тұрақты комиссияларының кеңейтілген отырысы өтті. Мәслихат депутаттары салық саясаты мен жер қатынастарына қатысты мәселелерді талқылады.

             Екібастұз қаласында оңайлатылған декларация негізінде арнайы салық режимін қолдану кезінде салық мөлшерлемесінің мөлшерін төмендету талқыланды. Кәсіпкерлік бөлімі ұсынған шешім жобасына сәйкес бөлшек салық ставкасы 2026 жылғы 1 қаңтардан бастап жалпыға бірдей белгіленгеннен 25%-ға төмендетіледі және осы режим бойынша жұмыс істейтін кәсіпкерлер үшін 3% мөлшерінде айқындалды.

             Сондай-ақ, Екібастұз қаласы бойынша шетелдіктер үшін туристік жарна мөлшерлемелерін бекіту, автотұрақтардың (паркингтердің) санаттарын белгілеу және автотұрақтарға (паркингтерге) бөлінген жерлерге салықтың базалық мөлшерлемелерін ұлғайту, Екібастұз қаласы мен ауылдық аймақ бойынша жерлерге базалық салық мөлшерлемелерін түзету жөніндегі шешімдер жобалары қаралды. Аталған актілер  ҚР жаңа Салық кодексінің қабылдануына байланысты әзірленген және  қолданыстағы ставкаларды өзгертуді  көздемейді.