2025 жылғы 22 қазанда Ж.К.Ибраевтың төрағалығымен аграрлық секторды дамыту және жер қатынастары жөніндегі тұрақты комиссияның отырысы өтті.

2025 жылғы 22 қазанда Ж.К.Ибраевтың төрағалығымен аграрлық секторды дамыту және жер қатынастары жөніндегі тұрақты комиссияның отырысы өтті. Күн тәртібінде тұрақты комиссияның жұмыс жоспарына енгізілген  мәселе қаралды.

Отырыста Екібастұз қаласы әкімдігінің ауыл шаруашылығы бөлімі ағымдағы жылдың 9 айындағы өңірдің аграрлық секторының жай-күйі туралы ақпарат берді. Баяндамада ауыл шаруашылығы саласындағы негізгі көрсеткіштер мен мемлекеттік қолдау бағдарламалары аясында берілген субсидиялар мен жеңілдетілген кредиттер туралы мәліметтер ұсынылды.

Облыстық ветеринария басқармасының басшысы А.А. Тлеубаев Екібастұз өңірінде 2026 жылға жоспарланған ветеринариялық іс-шаралар туралы баяндады. Атап айтқанда, қалада жаңа ветеринариялық станцияның және ауылдық елді мекендерде алты типтік қаламның салынуы жоспарланып отыр.

«Атамекен» кәсіпкерлер палатасының директоры М.М. Мұсанап палата жанындағы салалық қауымдастықтар асыл тұқымды малдардың бірыңғай тізілімін жүргізіп жатқанын хабарлады. Бұл тізілім интернетте ашық қолжетімді форматта орналастырылған және барлық мүдделі тараптар үшін қолжетімді.

Сонымен қатар, «Халық Банкі» АҚ  Екібастұз өңірлік филиалы  директорының шағын және орта бизнеспен жұмыс жөніндегі орынбасары  Р.М. Гафуров агроөнеркәсіптік кешен субъектілеріне арналған «Кең Дала» және «Өрлеу» жеңілдікті несиелеу бағдарламалары бойынша таныстырылым жасады.

Отырыс барысында шаруа қожалықтарының басшылары жайылымдық жерлерді бөлу және лиманды суару жобаларын іске асыру мәселелерін көтерді.

Талқылау қорытындысы бойынша депутаттар мен ауылдық округ әкімдері бірқатар ұсыныстар мен ұсынымдар айтты. Бұл ұсыныстар комиссия отырысының хаттамасында ескерілетін болады.