Құрметті Екібастұз қаласының тұрғындары!

Сіздерді Қазақстан Республикасы Конституциясының 30 жылдығымен шын жүректен құттықтаймын!

1995 жылы 30 тамызда бүкілхалықтық референдум арқылы қабылданған Конституция - еліміздің Тәуелсіздігін нығайтқан, қоғамдық тұрақтылық пен бірліктің берік тұғырына айналған басты құқықтық құжат. Ата Заң - Қазақстанның қуатты, тұрақты және өркендеген мемлекет ретінде дамуына берік бағыт-бағдар беретін сенімді тірек, азаматтардың құқықтары мен бостандықтарын, демократиялық даму жолын айқындайтын темірқазық.

Осы жылдар ішінде Конституциямыздың негізінде елімізде түрлі реформалар іске асып, саяси, әлеуметтік және экономикалық даму бағытында үлкен жетістіктерге жеттік. Ата Заңымыз бізді өркениетті елдер қатарына бастайтын берік негіз болып қала бермек.

Бұл мерейлі күнде баршаңызды Қазақстан Республикасы Конституциясының 30 жылдық мерейтойымен құттықтаймын! Сіздерге және отбасыларыңызға зор денсаулық, бақ-береке, бейбіт өмір, татулық, туған қаламыз бен ортақ Отанымыздың игілігі жолындағы істеріңізге табыс тілеймін!

 

Нияз Макраев, Екібастұз қалалық мәслихатының төрағасы