Екібастұз қалалық мәслихатының төрағасы «Богатырь Көмір» ЖШС қызметкерлерін Шахтер күнімен құттықтап, марапаттар табыс етті.

Екібастұз қалалық мәслихатының төрағасы Нияз Макраев «Богатырь Көмір» ЖШС кәсіпорнында өткен Шахтер күніне арналған салтанатты іс-шараға қатысты.

Ол ұжымды кәсіби мерекемен құттықтап, қажырлы еңбегі, жоғары кәсібилігі және өңірдің энергетикалық секторының дамуына қосқан елеулі үлесі үшін шын жүректен алғыс білдіріп, зор денсаулық, амандық және жаңа еңбек табыстарын тіледі. Іс-шара аясында төраға марапаттау рәсімін өткізді.

Екібастұз қалалық мәслихатының Құрмет грамотасымен А.В.Афанасьев - жөндеу дирекцияcының тау-кен-көлік жабдықтарын жөндеу зауытының оттегі-компрессорлық учаскесінің жабдықтарына қызмет көрсету және жөндеу жөніндегі слесарі, Б.Д.Узыканов - автобазаның №2 жөндеу шеберханаларының электр жабдықтарын жөндеу және қызмет көрсету жөніндегі электрмонтері марапатталды.

Екібастұз қалалық мәслихатының Алғыс хаттары Т.М.Жакупов - бас инженердің орынбасарына, В.В.Кабыльченко - жөндеу дирекциясының тау-кен-көлік жабдықтарын жөндеу зауытының тау-кен-көлік жабдықтарын жөндеу учаскесінің механигіне табысталды.