Халык Тумар
Бүгін қалалық мәслихатта тұрақты комиссиялардың «Халық тұмар» мобильдік қосымшасын енгізу және белсенді ілгерілету мәселелеріне арналған отырысы өтті. Қосымша құқық бұзушылықтардың алдын алуға және халық арасындағы азаматтық жауапкершілік деңгейін арттыруға бағытталған. Іс-шараға мәслихат депутаттары, қала прокуроры, цифрлық өнімді әзірлеушілер, жергілікті атқарушы органдардың, қалалық Қоғамдық кеңестің, сондай-ақ жастар мәслихатының өкілдері қатысты.
Кездесудің негізгі мақсаты-халықтың қалың жігі арасында қосымшаны тарату тетіктерін талқылау, ерікті көмекшілерді (еріктілерді) көтермелеу, сондай-ақ жобаны қолдау үшін әлеуетті демеушілер мен серіктестерді тарту бойынша нақты қадамдар әзірлеу.
Отырыс барысында прокуратура өкілдері қылмыстың алдын алу жүйесінде, әсіресе жергілікті қоғамдастық деңгейінде цифрлық құралдарды пайдаланудың маңыздылығын атап өтті. «Халық тұмар» азаматтарға құқық бұзушылықтар туралы жедел хабарлауға, қоғамдық бақылауға қатысуға, сондай-ақ құқықтық және профилактикалық ақпарат алуға мүмкіндік беретіні атап өтілді.
Қосымшаны жасаушылар оның функционалдығы мен ағымдағы пайдалану статистикасын ұсынды. Жастар ұйымдары, депутаттар, қоғамдық ұйымдар мен БАҚ арқылы ақпараттық науқанды іске қосу, өнімді халық арасында кеңінен ілгерілету үшін басқа мемлекеттік органдармен интеграциялау жөнінде ұсыныстар айтылды. Сондай-ақ, қосымшаның амбассадорларын тарту, ерікті көмекшілерді, қосымшаның белсенді пайдаланушыларын ынталандыру және бизнес-қоғамдастық үшін корпоративтік әлеуметтік жауапкершілік шеңберінде мотивациялық бағдарламалар құру мүмкіндігі талқыланды.
Мәслихат депутаттары қосымшаны ілгерілетуге, оның ішінде құқық бұзушылықтардың алдын алу тақырыбын азаматтардың құқықтары мен заңды мүдделерін қамтамасыз ету жөніндегі тұрақты комиссия отырыстарының күн тәртібіне енгізу арқылы қолдау көрсетуге дайын екендіктерін білдірді.
Отырыс барлық мүдделі тараптар арасындағы өзара іс-қимылдың одан әрі қадамдары, соның ішінде қосымша бойынша жарнамалық және оқыту материалдарын әзірлеу, іс-қимылдарды үйлестіру және прогресті бағалау үшін тұрақты жұмыс кездесулерін өткізу бойынша хаттамалық тапсырмаларды қабылдаумен аяқталды.
Бүгінгі таңда қосымшаны Google Play-де жүктеуге болады, ол жақын арада App Store-да пайда болады.