2025 жылғы 21 шілде күні аудандық мәслихаттың тұрақты комиссияларының отырысы мен кезекті XXXV сессиясы интернет желісінде тікелей эфирде өтті.
Сессияға аудандық мәслихаттың депутаттары, аудан әкімінің орынбасарлары Қинаятолла Хайроллаұлы Тәліпов, Альмира Аманқызы Дисюпова, Майқайың кенті мен ауылдық округтерінің әкімдері, сондай-ақ ауданның мемлекеттік мекемелерінің басшылары қатысты.
Күн тәртібі бойынша:
-
VIII сайланған Баянауыл аудандық мәслихатының депутаты Айдын Қуатұлы Шалгимбаевтың депутаттық өкілеттілігін мерзімінен бұрын тоқтату туралы;
-
Баянауыл аудандық мәслихатының 2024 жылғы 26 желтоқсандағы «2025-2027 жылдарға арналған Баянауыл аудандық бюджеті туралы» шешіміне өзгерістер енгізу;
-
Баянауыл ауданында төтенше жағдайлардың алдын алу бойынша 2024 жылы және 2025 жылдың І жартыжылдығында атқарылған жұмыстар туралы ақпарат;
-
Баянауыл ауданы бойынша мәдениет үйлерінің жағдайы;
-
«Павлодар Электржелілік Тарату Компаниясы» акционерлік қоғамының Баянауыл аудандық электр желілері бойынша 2024 жылы және 2025 жылдың І жартыжылдығында атқарылған жұмыстары туралы есебі;
-
Сондай-ақ 2024 жылғы 30 желтоқсандағы Баянауыл аудандық жер комиссиясын құру туралы мәселе қаралды.
Аталған мәселелер бойынша тиісті шешімдер қабылданды.