Бүгін Павлодар ауданының 8-шақырылымдағы мәслихатының 36-шы кезектен тыс сессиясы өтті.

Сессия жұмысына депутаттар, әкімдік өкілдері, бөлім басшылары мен ауылдық округтердің әкімдері қатысты.

🔹 Күн тәртібінде ауданның дамуына қатысты маңызды мәселелер қаралды:

1️⃣ Алты ауылдық округтің бюджеттерін нақтылау
(Зангар, Кеңес, Мичурин, Ольга, Рождественка және Чернояр ауылдық округтері).
Қаражат елді мекендерді абаттандыруға, көше жарығын орнатуға, жолдарды жөндеуге, инфрақұрылымды дамытуға және ауыл тұрғындарының өмір сүру жағдайын жақсартуға қайта бөлінді.
Нақтылау сомасы жалпы 23 миллион теңгеден асты.

2️⃣ Аудандағы ветеринариялық жағдай мәселесі
2025 жылдың 9 айындағы эпизоотиялық ахуал мен ветеринариялық қызметтің жұмысы жөнінде толық есеп тыңдалды.

✅ Павлодар ауданының ветеринариялық қызметі мәліметінше, аса қауіпті аурулар тіркелмеген.
✅ Жоспарлы вакцинация мен зерттеулер толық көлемде жүргізілген, көптеген бағыттар бойынша көрсеткіштер 100%-дан асып отыр.
✅ Ерекше назар бруцеллёз, құтыру, сібір жарасы сияқты аурулардың алдын алу мен қаңғыбас жануарларды бақылауға аударылған.
Жыл басынан бері 20 жануар ұсталып, арнайы паналарға тапсырылған, ал жою шаралары заң талаптарына сай және тек халық денсаулығына қауіп төнген жағдайда ғана жүргізіледі.

Сессия барысында сондай-ақ Павлодар ауданы әкімдігінің жеке құрамына, сонымен қатар кеңесші-кеңестік органдардың — терроризмге қарсы комиссия мен құқық бұзушылықтың және сыбайлас жемқорлықтың алдын алу жөніндегі комиссия құрамына өзгерістер енгізілді.

💬 Депутаттар сессия барысында аудандағы ауылдарда жаңа мал көметін орындар (скотомогильник) салу және қаңғыбас иттердің мәселесін де талқылады.