Бүгін Жалпыұлттық коалиция мүшелерінің алғашқы кеңесі өтті.

Бүгін Жалпыұлттық коалиция мүшелерінің алғашқы кеңесі өтті. Қатысушылар «сағаттарын сәйкестендіріп», жаңартылған Конституция жобасының негізгі ережелерін талқылады және түсіндіру жұмысына бірыңғай тәсіл туралы келісімге келді. Кездесуге Қазақстан Республикасы Парламенті Мәжілісі депутаттары қатысты.
          Өңірлік коалиция төрағасы Илья Теренченко адамдармен ашық әрі түсінікті сөйлесудің маңызын атап өтті.
          «Біздің міндет – заң нормаларын жеткізу ғана емес, әрбір азаматтың пікірін тыңдау. Баршаңызға жұмыста сәттілік тілеймін және күшімізді үйлестіріп, азаматтар мүддесі үшін бірлесе әрекет етуді ұсынамын», – деді ол.
          Мәжіліс депутаты Николай Арсютин:
– Мемлекет басшысы ұсынған өзгерістер ең алдымен азаматтардың әл-ауқатын жақсартуға бағытталған. Өмір бір орында тұрмайды – конституциялық нормалар да жаңарып отырады. Алға қарай қарау керек, – деп атап өтті.
          Өңірлік коалиция мүшесі Алимбай Агибаевтың айтуынша, Конституцияда бекітілген нормалар азаматтардың құқықтарын күшейтіп, қазақстандықтардың өмір сапасын арттыруға нақты жағдай жасайды.
          Бүгіннен бастап топтар қалаларға, моноқалалар мен аудан орталықтарына барып, халықпен диалог жүргізіп, Негізгі заңға енгізілетін өзгерістердің адамдар өміріне қалай әсер ететінін түсіндіру жұмыстарын бастады.