Осакаровкадағы NIS тамыз саммиті

2025 жылғы 14 тамызда Қарағанды облысының Осакаровка кентінде Дінмұхамед Бөкейхан атындағы тірек мектебінде алғаш рет «Назарбаев Зияткерлік мектептері» республикалық тамыз саммиті өтті. «Ауыл мектебі: тең мүмкіндіктер жолында» атты секциялық отырыс еліміздің түрлі өңірлерінен 200-ге жуық тірек мектеп жетекшілерін, сондай-ақ ауылдық білім беруді дамытуға үлес қосқан ұйымдар мен педагогтардың өкілдерін жинады. Шараға онлайн форматта 4 мыңнан астам мұғалім қатысты. Саммит жұмысына Осакаров аудандық мәслихатының төрағасы Қанат Келгенұлы Саққұлақов қатысып, осындай іс-шараны ауданның ауылдық мектебінде өткізудің маңыздылығын атап өтті.