Осакаров аудандық мәслихатының депутаттары Арман Төлегенұлы Каспаков пен Нұрсолтан Ғалия "AMANAT" партиясының атынан «Баланы мектепке даярлайық!» жалпыреспубликалық қайырымдылық акциясын іске қосты

Жаңа оқу жылы қарсаңында «AMANAT» партиясы дәстүрлі «Баланы мектепке дайындайық!» жалпыреспубликалық қайырымдылық акциясының басталғанын хабарлайды.

«Бақытты отбасы» партиялық жобасы аясында 2010 жылдан бері ұйымдастырылып келе жатқан бұл іс-шара биыл 11–30 тамыз аралығында өткізіледі.

Акцияның негізгі мақсаты – көпбалалы және аз қамтылған отбасылардың балаларын жаңа оқу жылына дайындауға қолдау көрсету.

Іс-шараға партияның Орталық аппараты мен өңірлік және аумақтық филиалдарының қызметкерлері, партия депутаттары, бастауыш партия ұйымдарының мүшелері және белсенді азаматтар қатысады. Сонымен қатар жеке кәсіпкерлер де қаржылай және материалдық көмек көрсетеді.