2025 жылдың 11-15 тамыз күндері аралығында азаматтарды жеке өтініштері бойынша қабылдау кестесіне сәйкес, қалалық мәслихат депутаттары М.Әбдіқалықов, Р.Ысқақова, Н.Тұрғанбаев, Ә.Әбләзім, Б.Төлеген, Т.Мақаш және Ә.Мампаев тұрғындарды қабылдады.

Қабылдау барысында тұрғындар тарапынан төмендегідей мәселелер көтерілді:

- Әль-Фараби тұрғын ауданы, Жұлдыз көшесіне кешкі жарық шамдарын орнату;

- Мемлекеттен тұрғын үй алу;

- Тұрақты жұмысқа орналасу;

- Байтерек мөлтек ауданының ауыз су, кәріз су құбырларын жүргізу;

- Хон-Бен-До көшесіне қосымша аялдама орнату;

- Ыдырысов тұйығындағы көп жылғы қураған талдарды кесу;

- Ақмешіт, Мерей мөлтек аудандарының аяқ су мәселесі.

Депутаттар тарапынан, өтініштері байланысты құзырлы органдарға депутатық сауалдар жолданып, олардың шешілуі бақылауда болатындығын жеткізді.