Қазақстанда Президенттік жастар кадр резервіне кезекті іріктеу басталады
П
Президенттік жастар кадр резерві — Қазақстан Республикасының мемлекеттік басқару жүйесіне талантты жастарды тарту мақсатында құрылған арнайы бағдарлама. Бұл бастама жастарға мемлекеттік қызметте мансап құруға мүмкіндік беретін тиімді әлеуметтік лифт болып табылады
2025 жылдың 1 маусымынан бастап елімізде Президенттік жастар кадр резервіне кезекті іріктеу басталады.
Президенттік жастар кадр резерві – дарынды, бастамашыл, кәсіби білікті жастарды мемлекеттік басқару жүйесіне тартуға бағытталған маңызды жоба.
Осыған байланысты, ел мүддесіне қызмет етемін деген белсенді жас азаматтарды Президенттік жастар кадр резервіне қатысуға шақырамыз.
Іріктеуге жасы 35-тен аспаған, жоғары білімі және 5 жыл жалпы жұмыс өтілі бар, мемлекеттік тілді В1 деңгейінен төмен емес меңгерген Қазақстан Республикасының азаматы қатыса алады.
Құжаттарды қабылдау – 1-30 маусым аралығында pkrezerv.gov.kz ресми платформасында онлайн режимде жүзеге асырылады.