Экологиялық акция – «Таза Қазақстан» – ел болашағына қосқан үлес

«Таза Қазақстан» республикалық экологиялық акциясы аясында Марқакөл ауданы мәслихат аппаратының қызметкерлері мен ауданының қоғамдық кеңес мүшелері Абай атындағы алаңында сенбілік өткізді.

Іс-шараның мақсаты – экологиялық жауапкершілікті арттыру және қоршаған ортаға ұқыпты қарауды қалыптастыру. Мұндай бастамаларға қатысу – қоғамға қызмет етумен қатар, жастарға үлгі көрсетудің жарқын мысалы.

Табиғатты қорғау – әрбір саналы азаматтың міндеті. Бүгінде экологиялық мәселелер айрықша өзектілікке ие болып отыр, ал мұндай акцияларға қатысу – елдің тұрақты дамуына қоғамның дайын екенін көрсетеді.

«Таза Қазақстан» – бұл бір реттік науқан емес, экологиялық мәдениетті қалыптастыру мен болашақ ұрпаққа табиғи мұраны сақтап қалуға бағытталған маңызды қадам.