2025 жылдың 27 наурыз күні Марқакөл ауданы мәслихатының кезекті XXI сессиясы өтті

Сессияның күн тәртібіне енгізілген мәселелер тұрақты комиссиялардың отырысында жан-жақты талқыланды.

Сессияға барлық депутаттар, ауылдық округтердің әкімдері, аудан басқармалары мен дербес бөлімдерінің басшылары, денсаулық сақтау, БАҚ, ветеринария және жергілікті қоғамдық бірлестіктердің өкілдері қатысты.

Күн тәртібінде келесі мәселелер қаралды: 2024 жылғы аудандық бюджеттің орындалуын бақылау, бұл бойынша баяндамамен Марқакөл ауданы экономика және қаржы бөлімінің бас маманы М. Мұхатаев, сондай-ақ бейнеконференция байланысы арқылы Шығыс Қазақстан облысы бойынша тексеру комиссиясының мүшесі Д. Қасенов сөз сөйледі; білім сапасын арттыру және білім беру мекемелерінің материалдық-техникалық базасын жақсартуға бағытталған жоспарланған іс-шаралар, бұл мәселе бойынша Марқакөл ауданы білім бөлімінің әдіскері А. Мұхаева баяндама жасады; әлеуметтік осал топтармен жұмыс бойынша Марқакөл ауданы жұмыспен қамту және әлеуметтік бағдарламалар бөлімінің жұмысы, оны аталған бөлім басшысының міндетін атқарушы А. Болысава ұсынды; 2024-2025 жылдарға жоспарланған әлеуметтік нысандардың құрылысы, күрделі жөндеу және қайта жаңғырту бойынша атқарылған жұмыстар, бұл мәселе Марқакөл ауданы тұрғын үй-коммуналдық шаруашылық, жолаушылар көлігі және автомобиль жолдары бөлімінің бас маманы Ж. Дәуенова тарапынан қаралды.

Сонымен қатар, күн тәртібіне Тосқайын және Ақбұлақ ауылдық округтері әкімдерінің өздеріне жүктелген функциялар мен міндеттердің орындалуы туралы есептері енгізілді.

Бұдан бөлек, Марқакөл ауданы әкімдігінің 2024 жылғы 17 қазандағы № 35 «Марқакөл ауданы әкімдігінің дербес құрамын құру туралы» қаулысына өзгерістер енгізу мәселесі қаралды.