Мемлекеттік қызметшілердің қызметтік әдеп нормаларын сақтау мәселелері бойынша кеңес өткізілді

Марқакөл ауданы әкімі аппаратының мәжіліс залында мемлекеттік қызметшілердің қызметтік әдеп нормаларын сақтау және қызметтік мінез-құлық мәдениетін арттыру мәселелеріне арналған кеңес өтті.

Кеңесті аудан әкімі Р.Н. Кемешев өткізді. Ол өз сөзінде мемлекеттік қызметшілердің адалдық, жауапкершілік және азаматтарға құрметпен қарау қағидаттарын мүлтіксіз сақтаудың маңыздылығын атап өтті.

Кеңес жұмысына аудандық мәслихаттың төрағасы М.Ж. Калелов қатысып, әдеп нормаларын сақтау қоғамның мемлекеттік органдарға деген сенімін арттыруға және олардың тиімді қызмет етуіне тікелей әсер ететінін атап өтті.

Аудан әкімі аппаратының басшысы М.Е. Мырамытов баяндамасында қызметтік әдеп саласындағы заңнама талаптарына, оң тәжірибелерге және профилактиканы қажет ететін жиі кездесетін бұзушылықтарға тоқталды.

Кеңес барысында әлеуметтік желілерде әдеп нормаларын сақтау мәселесіне де ерекше көңіл бөлінді. Мемлекеттік қызметшілерге тексерілмеген ақпаратты таратпау, мемлекеттік қызмет беделіне нұқсан келтіруі мүмкін жеке пікірлерді жарияламау, сондай-ақ онлайн кеңістікте ұстамдылық пен сыпайылықты сақтау қажеттігі ескертілді.

Кеңеске ауданның барлық мемлекеттік органдарының басшылары мен қызметкерлері, білім беру және құқық қорғау салаларының өкілдері қатысты. Талқылау қорытындысы бойынша қызметтік әдеп нормаларының, соның ішінде цифрлық кеңістікте сақталуын бақылауды күшейту және ұжымдарда түсіндіру жұмыстарын жүргізу жөнінде нақты тапсырмалар берілді.