2025 жылдын 25 тамызында Марқакөл ауданы мәслихатының кезектен тыс жиырма алтыншы сессиясы өтті

Сессия алдында мәслихаттың тұрақты комиссиясының отырысы өткізіліп, күн тәртібіндегі мәселе алдын ала қаралды.

Күн тәртібіндегі негізгі мәселе Марқакөл аудандық мәслихатының 2024 жылғы 27 желтоқсандағы № 18/3-VIII «Марқакөл ауданының 2025–2027 жылдарға арналған бюджеті туралы» шешіміне өзгерістер енгізу болды.

Аталған мәселе бойынша ауданның экономика және қаржы бөлімінің уақытша міндетін атқарушы Б.М. Байбекова баяндама жасады. Өз сөзінде ол енгізіліп отырған өзгерістер ауданның әлеуметтік-экономикалық дамуының нақтыланған көрсеткіштеріне сәйкес, бюджет параметрлерін келтіру, сондай-ақ қаражатты басым бағыттарға қайта бөлу қажеттілігіне байланысты екенін атап өтті.

Атап айтқанда, бюджетке енгізілген түзетулер мемлекеттік және аудандық бағдарламаларды іске асыруды қамтамасыз етуге, әлеуметтік міндеттемелерді уақтылы қаржыландыруға, инфрақұрылымды дамытуға, білім беру, денсаулық сақтау және тұрғын үй-коммуналдық шаруашылық салаларын қолдауға бағытталған.

Өзгерістер бюджет қаражатын тиімді және нысаналы пайдалануды, аудан халқының өмір сүру сапасын арттыруды, сондай-ақ республикалық және облыстық деңгейде берілген тапсырмаларды орындауды қамтамасыз ету мақсатында енгізілгені атап өтілді.

Трансляция жазбасын келесі сілтеме арқылы көруге болады: https://www.youtube.com/watch?v=UuBRlFxrlsI