2025 жылғы 22 шілдеде Марқакөл ауданы мәслихатының кезектен тыс жиырма бесінші сессиясы өтті

Сессияда Марқакөл, Боран, Қалжыр, Төсқайын және Ақбұлақ ауылдық округтерінің 2025–2027 жылдарға арналған бюджеттеріне өзгерістер енгізу мәселелері қаралды.

Аталған округтердің әкімдері бюджеттерді нақтылау бойынша мәслихат депутаттарына егжей-тегжейлі ұсыныстарын таныстырды. Ұсынылған өзгерістер ауылдық округтердің өзекті әлеуметтік-экономикалық қажеттіліктеріне жаңартылған экономикалық көрсеткіштерге және бюджет аралық трансферттердің нақтылануына байланысты шығыстарды оңтайландыру қажеттілігіне негізделді.

Сессия алдында тұрақты комиссияның отырысы өтіп, онда өзгерістер жобалары жан-жақты талқыланып, сессия қарауына ұсынылды. Сондай-ақ, талқылау барысында ауыл әкімдерінің және тиісті бөлім басшыларының ескертулері мен ұсыныстары назарға алынды.

Сессия барысында депутаттар барлық күн тәртібіндегі мәселелер бойынша ұсынылған өзгерістерді бірауыздан қолдап, тиісті шешімдер қабылдады. Қабылданған түзетулер ауданның әлеуметтік-экономикалық дамуының өзекті мәселелерін шешуге бюджет қаражатын тиімдірек пайдалануға мүмкіндік береді.

Сессия аудандық мәслихаттың ресми YouTube арнасында тікелей эфирде көрсетілді, бұл шешімдер қабылдау процесінің ашықтығы мен айқындылығын қамтамасыз етеді.

Тікелей эфирдің жазбасын келесі сілтеме арқылы көруге болады: https://www.youtube.com/watch?v=3WWFiKt0zVQ&t=66s