Депутаттар 2024 жылғы бюджеттің атқарылуы туралы есепті бекітті

       15 мамырда Лисаков қалалық мәслихатының кезекті X сессиясы өтті, онда Лисаков қаласы мен Октябрь кентінің 2024 жылғы бюджетінің атқарылуы туралы есептер қаралды. Есептермен қала әкімінің орынбасары А. М. Шектыбаев және Октябрь кенті әкімнің м.а  Червякова Е. А. сөз сөйледі.

       Депутаттар жыл сайын жергілікті бюджеттің кіріс бөлігінің көлемі артып келе жатқанын атап өтті. 2024 жылдың қорытындысы бойынша қаланың жергілікті бюджетіне 8 млрд.250,5 млн. теңге түсті.  Жоспарлы көрсеткіштердің орындалуына қол жеткізілді. Тұтастай алғанда, 2024 жылғы қаланың жергілікті бюджетінің кірістері жөніндегі жоспар 104,0%- ға асыра орындалды, бұл бюджет қаражатын азаматтарды әлеуметтік қолдауды күшейтуге, қала тұрғындарының тұрғын үй мәселелерін шешуге, сондай-ақ қаланың инженерлік инфрақұрылымын дамытуға бағытталған қаланың негізгі әлеуметтік-экономикалық проблемаларын шешу үшін пайдалануға мүмкіндік берді.

       Октябрь кенті бойынша бюджет 101,5%- ға орындалды, бұл кенттің әлеуметтік-экономикалық жағдайының жақсарғанын көрсетеді. Бюджеттік бағдарламаларды орындаудың тікелей нәтижелеріне қол жеткізілді, соның арқасында аумақты абаттандыру, қауіпсіздікті қамтамасыз ету, кент аумағының санитарлық және эстетикалық жағдайын жақсарту бойынша кешенді іс-шаралар жүргізілді.

       Жергілікті атқарушы органның есептеріне тұрақты комиссияның төрағасы А. В. Сенчев қорытынды жасады, ол есептер алдын ала тұрақты комиссиялардың, Қоғамдық кеңестің және жергілікті қоғамдастық жиналысының бірлескен отырыстарында қаралғанын және өткен жылмен салыстырғанда талданғанын атап өтті.

        Депутаттар тексеру комиссиясының мүшесі Н. В. Томилинаның қорытындысын қолдады. есепте жергілікті бюджеттің атқарылуына талдау жүргізілді, кірістер түсімдері, салықтық және салықтық емес түсімдер, шығындардың орындалуы, бюджеттік кредиттердің орындалуы мен өтелуі бойынша талдамалық деректер көрсетілді, қалалық бюджеттің және басқа да бағдарламалық құжаттардың атқарылуына баға берілді және т. б.

         Мәслихат депутаттары мен тексеру комиссиясы бюджеттің атқарылу процесінде кемшіліктерді атап өтіп, ұсынымдар берді. 

         Сондай-ақ, сессияда қалалық әкімдіктің дербес құрамының өзгерістері келісілді, ведомствоаралық сипаттағы мәселелер бойынша консультативтік-кеңесші органдардың құрамына өзгерістер енгізілді, мәслихаттың кейбір шешімдерінің күші жойылды. Тиісті шешімдер қабылданды.