Состоялись ежегодные публичные слушания по бюджету города Лисаковска на 2023-2025 годы

Бүгін Лисаков қаласының 2023-2025 жылдарға арналған бюджеті бойынша жыл сайынғы жария тыңдаулары өтті.

Қалалық мәслихат хатшысы С. К. Шалдыбаева тыңдауды ашты: «Көпшілік тыңдаулар халыққа бюджетті қалыптастыру қағидаттарымен танысуға, қала әкімшілігі ұсынатын іс-шаралардың шығыс бөлігіне енгізу қажеттілігін бағалауға және өз ұсыныстарын тұжырымдауға мүмкіндік береді деп үміттенеміз.».

Отырысқа қала әкімі А.С. Ибраев, қалалық мәслихат депутаттары, әкімдік мүшелері, қоғамдық кеңес мүшелері, мемлекеттік мекемелер мен кәсіпорындардың басшылары, Құрметті азаматтар, коммуналдық басқару орталықтарының басқарушылары, білім беру ұйымдарының қызметкерлері, қоғамдық бірлестіктер, қала тұрғындары, белсенді жастар, бұқаралық ақпарат құралдарының өкілдері қатысты.

Алдағы үш жылға арналған бюджет шығыстарының кіріс бөлігін қалыптастыру және негізгі бағыттары туралы қала әкімінің орынбасары А.М.Шектыбаев баяндады.:

         - 2023 жылға арналған бюджет шығыстары функционалдық белгілері бойынша шығыстардың бағыттарын ескере отырып, Қазақстан Республикасының Бюджет кодексіне сәйкес айқындалды, 7 млрд.506 млн. 696 мың теңгені құрайды.

Сондай-ақ, А.Шектыбаев ағымдағы жылы қала орталығында орналасқан және «Арай-Холдинг» ЖШС-не тиесілі жер учаскесін одан әрі қайта жаңартумен коммуналдық меншікке салынбаған ғимаратпен иеліктен шығару жұмыстары басталғанын атап өтті. 2023 жылы осы мақсаттарға 44 млн.807 мың теңге қарастырылған. Алдағы уақытта облыстық және республикалық бюджеттің қолдауымен бұл Оқушылар сарайы болмақ.

Қаланың автомобиль жолдарының жұмыс істеуін қамтамасыз ету бойынша шығыстарға жалпы сомасы 230 млн.864 мың теңге көзделген. 

Толығырақ  тұрғын үй - коммуналдық шаруашылық бөлімінің басшысы А.Т.Турсунов жолдар бойынша баяндады.

Талқылау барысында көпшілік тыңдауларға қатысушылар: 7-7 және 7-8 үйлерінің балалар алаңы мен ауланың аумағын абаттандыру бойынша; 3-18 мекенжайы бойынша салынып жатқан кафенің жанындағы тротуар бойынша, «Алақай» орталығының ашылу күні туралы ұсыныстар мен сұрақтар қойды.

Жария тыңдау барысында айтылған мәселелер бойынша мемлекеттік органдардың басшыларына тапсырмалар берілетін болады.

Одан басқа, олар қаланың бюджеттік комиссиясының, мәслихаттың тұрақты комиссиясының отырыстарында талқыланатын болады.

Лисаков қаласы бюджетінің жобасын қарау Aitube платформасында онлайн көрсетіліммен жүргізілді.