Көпшіліктік тыңдаулар

        Ағымды жылдың 23 ақпанында мәслихаттың тұрақты комиссияларының бірлескен отырысы 125 адамның қатысуымен қауымдық тыңдау форматында өтті. Күн тәртібінде екі мәселе қаралды: «Лисаковқалакоммунэнерго» ӨШБ» МКК-ны мүліктік кешен ретінде бәсекелестік ортаға беру, сондай-ақ жекешелендіруге жататын қаланың коммуналдық мүлік нысандарының тізбесін бекіту.
        Кәсіпорынның алдағы тағдыры басты тақырыпқа айналды. Талқылау барысында депутаттар, Қоғамдық кеңес мүшелері, ӨШБ қызметкерлері мен қала тұрғындары ұйымды бәсекелестік ортаға беруге түбегейлі қарсы екендіктерін білдірді. Екібастұздағы жағдайға ұқсас коммуналдық саладағы жүйелі дағдарысқа жол бермеу үшін, тіршілікті қамтамасыз ететін кәсіпорын үстінен мемлекеттік бақылауды сақтап қалу қажеттілігі негізгі уәж болды. Жұртшылықтың пікірін ескере отырып, депутаттар «Лисаковқалакоммунэнерго» ӨШБ» МКК-ны бәсекелестік ортаға беруге бір ауыздан қарсы дауыс берді.
      Екінші мәселе бойынша жекешелендіруге жататын қаланың коммуналдық мүлік нысандарының тізбесі бекітілді:
​      1) Жалпы алаңы 2794,8 м² өндірістік кешен;
      2) Жалпы алаңы 2835,4 м² картон өндіру цехы.
      Әкімнің орынбасары А.М. Шектыбаев бұл нысандар бойынша инвесторларды тарту жұмыстары жүргізіліп жатқанын түсіндірді. Мақсат — жаңа өндірістер ашу және қосымша жұмыс орындарын құру үшін бұл алаңдарды жеке секторға беру.
       Өткен отырыс халықпен диалог орнатудың және қала мүлкін иеліктен шығару мәселелерінде олардың пікірін ескерудің маңыздылығын тағы бір мәрте дәлелдеді.