6, 6а және 11-шағын аудандарда өткен кездесудің барысы қандай болды?

       Депутаттар К.Х. Мухамадиева, И.Е. Пахомов және Г.У. Махамбетова 6, 6а және 11-шағын аудандардың бастамашыл тұрғындарымен кездесті. Халық қалаулылары ресми есеп берумен ғана шектелмей, әр ауланың түйткілді мәселелерін егжей-тегжейлі талқылады.

       Тұрғындармен сұхбат ашық әрі нәтижелі өтті. Кездесу барысында автотұрақтардың жетіспеушілігі, ТҮКШ және қызмет көрсетуші ұйымдардың (ПИК/МИО) жұмыс сапасына қатысты мәселелер көтерілді. Сонымен қатар көшелерді жарықтандыру, жаяужолдарды жөндеу, жаяу жүргіншілер өткелдерін жабдықтау және жаңа ойын алаңдарын орнату мәселелері сөз болды. Мұндай диалог форматы нақты жағдайды көруге және ресурстарды ең қажетті бағыттарға жұмсауға мүмкіндік береді.

        Киберқауіпсіздік мәселесіне де ерекше көңіл бөлінді. Учаскелік инспектор А. Туяқов тұрғындарға телефон алаяқтарын қалай тануға болатынын және жинақталған қаражатты қалай қорғау керектігі туралы маңызды кеңестер берді.

         Кездесу қорытындысы бойынша тапсырмалар тізімі жасалды, бұл тапсырма депутаттардың аталған округтердегі алдағы жұмысының негізі болмақ.