Қостанай ауданының ауылдық елді мекендерін абаттандыру және көгалдандыру жұмыстарының жүзеге асырылуын қадағалау бойынша мониторинг

2026 жылға арналған Қостанай ауданының Қоғамдық кеңесінің Жұмыс жоспарына сәйкес, 2026 жылдың сәуірінде Қоғамдық кеңес (Елимбаев Е.Е.).Қостанай ауданының ауылдық елді мекендерін абаттандыру және көгалдандыру жұмыстарының жүзеге асырылуын қадағалау бойынша мониторинг жүргізді  (Мичуринское ауылы,  Тобыл қаласы).

 

Жүргізілген мониторингтің нәтижелері:

      Қостанай ауданы бойынша елді мекендерді абаттандыру, санитарлық тазарту және көгалдандыру жұмыстары тұрақты негізде жүзеге асырылуда.

      Негізгі міндеттері – аумақтың санитарлық жағдайын жақсарту, тұрғындар үшін қолайлы ортаны құру, қоғамдық кеңістіктердің ыңғайлылық деңгейін көтеру, сондай-ақ инфрақұрылым объектілерін тиісінше күтіп ұстауды қамтамасыз ету. Жұмыстар абаттандыру, санитарлық тазарту және экологиялық акциялар бағдарламалары шеңберінде, соның ішінде республикалық «Таза Қазақстан» бағдарламасы аясында жүргізілуде.

       Мичурин ауылдық округінің аумағында келесі шаралар өткізіледі:

• көшелер мен қоғамдық аумақтарды санитарлық тазалау;
• жабайы қоқыстарды жою;
• арам шөптерді шауып алу;
• құрғақ ағаштарды кесу;
• жасыл желектер отырғызу;
• саябақтар, алаңдар және ескерткіш орындарды күтіп ұстау;
• көшелерді жарықтандыруды жөндеу және күтіп ұстау;
• ауылішілік жолдар мен жаяу жүргіншілер жолдарын абаттандыру.

        Округтегі елді мекендердің санитарлық жағдайын сақтау, сенбілік өткізу және тұрғындарды қалалық абаттандыру шараларына тартуға ерекше назар аударылады.

       Сонымен қатар инженерлік инфрақұрылымды дамыту және тұрғындардың тұрмыс жағдайларын жақсарту бойынша іс-шаралар жүргізіледі.

       Тобыл қаласында абаттандыру және көгалдандыру шаралары кешенді сипатқа ие. Негізгі жұмыс бағыттары мыналар болып табылады:   

• аула аумақтарын абаттандыру;
• саябақтар, аллеялар және скверлерді күтіп ұстау;
• ағаштар, бұталар және гүлдер отырғызу;
• шөпқатарлар мен жасыл көшеттерге күтім жасау;
• көшелерді санитарлық тазалау;
• тротуарлар мен қоғамдық кеңістіктерді жөндеу;
• шағын сәулет нысандарын орнату;
• сыртқы жарықтандыру жүйелерін күтіп ұстау.

       Көктем-жаз маусымында орталық көшелер мен қоғамдық алаңдарды көгалдандыру жұмыстары ұйымдастырылады, қоқыс жинау және шөп шабу тұрақты түрде жүргізіледі.

       Тұрғын жерлердің сыртқы көрінісін жақсарту мақсатында ұйымдар, кәсіпорындар және тұрғындарды экологиялық және санитарлық шараларға қатысуға тарту жұмыстары жүргізіледі.

 

Ұсыныстар:

1. Ауылдық елді мекендерді абаттандыру және жасылдандыру жұмыстарын жалғастыру.

Тобыл қаласының және Мичурин ауылдық округінің әкімдеріне ұсыныстар:  

1. Елді мекендердің санитарлық жағдайын қолдауға ерекше назар аудару.
2. Қала мен округ тұрғындарын тарту арқылы үнемі сенбіліктер өткізу.
3. Қала мен округтердің сыртқы көрінісін жақсарту мақсатында ұйымдар мен кәсіпорындарды және тұрғындарды экологиялық және санитарлық іс-шараларға қатыстыру жұмыстарын жалғастыру.