Бүгін, 2025 жылғы 24 қарашада Омаргали Байгабуловтың төрағалығымен сегізінші шақырылған Қостанай қалалық мәслихатының кезектен тыс сессиясы өтті.

Сессия жұмысына "Қостанай қаласы бойынша Мемлекеттік кірістер Басқармасы" РММ басшысының орынбасары Сергей Копп, Қостанай облысы Кәсіпкерлер палатасының Кәсіпкерлердің құқықтарын қорғау және әкімшілік кедергілерді азайту бөлімінің бастығы Жібек Сиитова, "Қостанай қаласы әкімдігінің экономика және бюджеттік жоспарлау бөлімі" мемлекеттік мекемесінің басшысы Наталья Турлубекова қатысты.
Күн тәртібінде депутаттардың бірауыздан шешімімен Қостанай қаласы бойынша есепті салық кезеңі үшін салық салу объектісіне арнаулы салық режимін қолдану кезінде төлем көзінен ұсталатын салықтарды қоспағанда, корпоративтік немесе жеке табыс салығы мөлшерлемесінің мөлшері жеңілдетілген декларация негізінде 4% - дан 3% - ға дейін төмендетілді.
Алдын ала бұл мәселе тұрақты комиссиялардың отырыстарында бірнеше рет қаралды, онда барлық қызықты сәттер мен нюанстар пысықталды. Атап айтқанда, осы актіні қабылдау бойынша тиісті түсіндірме хаттар мен сұрауларға жауаптар алынды.
Шешім 2026 жылғы 1 қаңтардан бастап күшіне енеді.