Бүгін, 2025 жылғы 18 қыркүйекте Арман Исмаилов төрағалығымен Қостанай қалалық мәслихатының тұрақты комиссияларының бірлескен отырысы өтті.

Бүгін, 2025 жылғы 18 қыркүйекте Арман Исмаилов төрағалығымен Қостанай қалалық мәслихатының тұрақты комиссияларының бірлескен отырысы өтті. Отырысқа Қостанай қаласы әкімінің орынбасары және бюджеттік бағдарламалар әкімшілері қатысты.

Күн тәртібінде депутаттардың бірауыздан шешімімен бекітілген келесі мәселелер қаралды:

1. . Мәслихаттың «Қостанай қаласының 2025-2027 жылдарға арналған бюджеті туралы» 2024 жылғы 30 желтоқсандағы № 147 шешіміне өзгерістер енгізу туралы.
2. Мәслихаттың 2022 жылғы 15 наурыздағы № 95 «Қылмыстық жазаларды және қылмыстық-құқықтық ықпал етудің өзге де шараларын орындайтын мекемелердің қызметіне жәрдемдесу жөніндегі, сондай-ақ қылмыстық жазаларын өтеген адамдарға әлеуметтік және өзге де көмекті ұйымдастыру жөніндегі консультативтік-кеңесші органның дербес құрамын бекіту туралы» шешіміне өзгерістер енгізу туралы.
3. «Қостанай қалалық мәслихатының аппараты» мемлекеттік мекемесінің «Б» корпусы мемлекеттік әкімшілік қызметшілерінің қызметін бағалау әдістемесін бекіту туралы» мәслихаттың 2023 жылғы 21 қыркүйектегі №53 шешіміне өзгеріс енгізу туралы

«Қостанай қаласы әкімдігінің экономика және бюджеттік жоспарлау бөлімі» мемлекеттік мекемесінің басшысы Наталья Турлубекова өз баяндамасында қалалық бюджетті нақтылау қажеттігін түсіндірді.

Қостанай қаласын абаттандыру тұжырымдамасы шеңберінде бюджет қаражаты ЖЭО-2, «КТЭК» МКК тұз шаруашылығы ғимаратының шатырын ағымдағы жөндеуге, ш / а №152 9 қабатты тұрғын үй салуға бағытталды.Береке шағын ауданындағы тұрғын үйлерді абаттандыру,   . Әуежай шағын ауданындағы дренаж жүйесін салу, Әл-Фараби даңғылындағы, Байтұрсынов, Лермонтов, Тәуелсіздік, Назарбаев көшелеріндегі қасбеттерді ағымдағы жөндеу.

Бұдан басқа, кадрлық өзгерістерге байланысты қылмыстық жазаларды және қылмыстық-құқықтық ықпал етудің өзге де шараларын орындайтын мекемелердің қызметіне жәрдемдесу, сондай-ақ қылмыстық жазаларын өтеген адамдарға әлеуметтік және өзге де көмекті ұйымдастыру жөніндегі консультативтік-кеңесші органның дербес құрамына өзгерістер енгізілді.

Қолданыстағы заңнаманың нормаларына сәйкес келтіру мақсатында қызметті бағалау әдістемесін жаңа редакцияда баяндау қажет.