Қордай ауданында Қоғамдық кеңестің кезекті отырысы өтті

Бүгін Қордай аудандық Қоғамдық кеңестің кезекті отырысы өтті. Жиынға аудандық мәслихат төрағасы Нұрдин Садықов, сондай-ақ Жамбыл облыстық Қоғамдық кеңесінің өкілдері, Төралқа мүшесі Арқабек Төлебаев, кеңес мүшесі Сейдахмет Сейітбеков және комитет мүшесі Есен Рымқұлов қатысты.

Күн тәртібінде бірқатар маңызды мәселелер қаралды. Онда Жамбыл облысы әкімдігінің  білім басқармасы Қордай ауданының  білім бөлімінің жаңа оқу жылына дайындық мәселелері туралы, Қордай ауылдық округі әкімінің әлеуметтік-экономикалық дамыту бағытында 2025 жылдың 7 айдағы атқарылған жұмыстары мен көрсетілген мемлекеттік қызметтері бойынша есебі және Қордай ауданы әкімдігінің тұрғын-үй коммуналдық шаруашылық жолаушылар көлігі және автомобиль жолдары бөлімі коммуналдық мемлекеттік мекемелерінің 2025 жылдың 7 айдағы бөліммен көрсетілген мемлекеттік қызметтері бойынша атқарған жұмыстарының  есебі  тыңдалды.

Жауапты тұлғалар күн тәртібіндегі мәселелер бойынша есеп беріп, Қоғамдық кеңес мүшелері тарапынан нақты ұсыныстар мен ескертулер айтылды.

Отырыс барысында тұрғындар мүддесіне сай мәселелерді тиімді шешу жолдары талқыланып, тиісті шешімдер қабылданды.