Қарғалы аудандық мәслихатының кезекті елу бірінші сессиясын шақыру туралы

          Қазақстан Республикасының 2001 жылғы 23 қаңтардағы №148 «Қазақстан    Республикасының    жергілікті   мемлекеттік  басқару  және  өзін – өзі  басқару  туралы»  Заңының  10  бабының   2 – тармағына сәйкес  ӨКІМ  ЕТЕМІН:

          Қарғалы   аудандық  мәслихатының  кезекті    елу  бірінші сессиясы  2026  жылдың  қыркүйек   айының   25  – не   шақырылсын.

          Қарғалы  аудандық  мәслихатының   кезекті    елу бірінші  сессиясының    күн  тәртібіне   келесідей  мәселелер енгізілсін:

1. Аудан әкімінің өзіне жүктелген  функциялар мен міндеттердің орындалуы  туралы  есебі. 
2. Қарғалы аудандық мәслихатының  2025 жылғы  19 желтоқсандағы  №403  «2026-2028  жылдарға  арналған   Қарғалы  аудандық  бюджетін  бекіту  туралы» шешіміне  өзгерістер  енгізу  туралы.

        3.Қарғалы ауданы бойынша тұрғын үй қоры, соның ішінде оның жанындағы құрылыстар мен құрылысжайлар алып жатқан жерлерге жер салығының мөлшерлемелерін және жерлерге базалық салықтық мөлшерлемелерін жоғарылату (төмендету) туралы.

Мәслихат   төрағасы                                                                      С.Аманжолов