Қаражал қаласының Қоғамдық кеңесін қалыптастыру жөніндегі жұмыс тобы, Қаражал қаласының Қоғамдық кеңесінің мүшелерін сайлау бойынша конкурс жариялайды

Қаражал қаласының Қоғамдық кеңесін қалыптастыру жөніндегі жұмыс тобы, Қаражал қаласының Қоғамдық кеңесінің мүшелерін сайлау бойынша конкурс жариялайды

          Қазақстан Республикасының 2015 жылғы 2 қарашадағы «Қоғамдық кеңестер туралы» Заңына, Қазақстан Республикасы Ақпарат және қоғамдық даму министрінің 2021 жылғы 26 ақпандағы № 69 «Қоғамдық кеңес туралы үлгілік ережені бекіту туралы» бұйрығына сәйкес Қаражал қаласының қоғамдық кеңесі мүшелерін сайлау бойынша конкурс жарияланады.

          Қоғамдық кеңестің сандық құрамы – 11 адам, оның 2 – мемлекеттік органның өкілдері, 9 – коммерциялық емес ұйымдардың өкілдері, азаматтар. Конкурс коммерциялық емес ұйымдардың, азаматтардың арасында өткізіледі.

           Қоғамдық кеңес мүшелігіне кандидатураларды коммерциялық емес ұйымдар, азаматтар, оның ішінде  өзін-өзі ұсыну жолымен ұсына алады. Коммерциялық емес ұйым болып табылатын бір заңды тұлғадан Қоғамдық кеңеске бір ғана өкіл сайлана алады.

 Қазақстан Республикасының он сегіз жасқа толған, тиісті әкімшілік-аумақтық бірлік шегінде тұрақты тұратын азаматы Қоғамдық кеңес мүшелігіне кандидат бола алады.

«Қоғамдық кеңестер туралы» Заңның 10-бабына сәйкес конкурсқа қатысушыларға мынадай  талаптар қойылады:

Қоғамдық кеңес мүшелігіне кандидаттың:

1) Қазақстан Республикасының заңнамасында белгіленген тәртіппен жойылмаған немесе алынбаған сотталғандығы болмауға;

2) сот заңда белгіленген тәртіппен сыбайлас жемқорлық қылмыс және (немесе) сыбайлас жемқорлық құқық бұзушылық жасауда кінәлі деп танымаған болуға;

3) психикалық, мінез-құлықтық, оның ішінде психикаға белсенді әсер ететін заттарды тұтынуға байланысты бұзылушылықтардың (аурулардың) себебі бойынша психикалық денсаулық саласында медициналық көмек көрсететін ұйымдарда есепте тұрмауға тиіс.

          Қоғамдық кеңес мүшелігіне кандидаттар келесі құжаттарды ұсынады:

      1) кандидатураны Қоғамдық кеңес құрамына ұсыну туралы коммерциялық емес ұйымның жазбаша ұсынысын және (немесе) азаматтың өтінішін (өтініш үлгісі тіркеледі);

      2) өмірбаяндеректері көрсетіле отырып, кандидаттың кәсіптік және (немесе) қоғамдық қызметі туралы мәліметтер;

      3) сотталғандығының болуы не болмауы туралы анықтама;

      4) психикалық, мінез-құлықтық, оның ішінде психикаға белсенді әсер ететін заттарды тұтынуға байланысты бұзылушылықтардың (аурулардың) болуы не болмауы туралы анықтама;

      5) кандидаттың дербес деректерін жинауға, өңдеуге, таратуға және жариялауға келісімді жібереді.

     Құжаттарды қабылдау  жұмыс күндері сағат 9.00 -ден  сағат 18.30 аралығында  жүргізіледі. Түскі үзіліс  сағат 13.00-ден сағат 14.30 аралығы.

     Құжаттарды қабылдау  жұмыс күндері  2025 жылғы  3 ақпаннан  2025 жылдың  14 ақпанына (қоса алғанда) дейін жүргізіледі.

         Кандидатуралар бойынша ұсынысты мына мекен-жайға жолдауларыңызды сұраймыз: 200122, Қаражал қаласы, Абай көшесі, 9,   «Қаражал қалалық мәслихатының аппараты» ММ-сі кабинет №205  Электронды мекенжай: maslihatkarazhal@mail.ru, 

Байланыс телефоны 8(71032)2-62-40, 2-68-47, 2-64-40.