Қоршаған ортаны қорғау жөніндегі іс-шаралар жоспарының орындалуы облыстық мәслихат депутаттарының тұрақты бақылауында

Облыстық мәслихат төрағасы Нұркен Кобжанов облыстық мәслихат депутаттары М.С. Әбілов, Б.Қ.Алтынбеков, М. Башай, И.В. Жабяк, А.Е. Карин, Ж.Серікұлымен бірлесіп, облыс әкімінің орынбасары Б.К.Асановтың қатысуымен өңірдің орман қорын дамыту және қалпына келтіру жөніндегі іс-шаралардың іске асырылуына мониторинг жүргізді.

Іс-шара аясында депутаттар кірпіш зауыты ауданындағы аумақты және Новодолинский кентіндегі Қарағанды орман тәлімбағын аралады.

Депутаттық корпус жұмыс сапары барысында бұрын өрттен зардап шеккен мемлекеттік орман қорының учаскелеріне ерекше назар аударды. Мұнда 10 гектар жерге 44 мыңнан астам қарағай көшеттерін отырғызу жоспарлануда - отырғызу жұмыстары 2024 жылы басталып, ағымдағы жылы жалғасуда.

Облыстық бюджет қаражаты есебінен Қарағанды орман тәлімбағының инфрақұрылымын белсенді дамыту жүргізіліп жатқанын атап өткен жөн. 25 гектарда орманды қалпына келтіру мен жапырақты және қылқан жапырақты ағаштардың екі жылдық көшеттерін өсіру үшін отырғызу материалы өсіріледі. Орман тәлімбағында тұқым сақтауға қажетті жабдықтары бар заманауи орман тұқымы станциясы жұмыс істейді, арнайы техника жаңартылды, сондай-ақ әкімшілік-тұрмыстық корпустың жаңа ғимараты салынды.

"Заманауи өрт сөндіру машиналарын сатып алу өрт қауіпсіздігін қамтамасыз етуге және өртке жедел ден қоюға маңызды қадам болмақ. Бұл жаңадан отырғызылған ормандарды қорғау және бар орман алқаптарын сақтау үшін қажет. Көшеттерді отырғызу процесі ғана емес, олардың жерсіну деңгейі де маңызды, бұл орман алқаптарын қалпына келтіру бойынша барлық жұмыстардың табысты нәтижесінің көрсеткіші болып табылады", - деп атап өтті облыстық мәслихат төрағасы Нұркен Кобжанов.

Осы бағытта Қоршаған ортаны қорғау жөніндегі іс-шаралар жоспарының уақтылы және сапалы орындалуын қамтамасыз ету үшін оларды іске асыру мониторингі жалғастырылып, депутаттық корпустың тұрақты бақылауында болады.