Қарағанды облыстық мәслихатының VII сессиясы
Облыстық мәслихат депутаттары Қарағанды облысының әкімі Ермағанбет Бөлекпаевтың есебін тыңдап, қабылдады. Бұдан басқа, халықты, оның ішінде әлеуметтік осал топтарды тұрғын үймен қамтамасыз ету жөніндегі істердің жай-күйі туралы мәселе қаралды.
21 қыркүйекте Нұркен Кобжановтың төрағалығымен облыстық мәслихаттың кезекті VII сессиясы өтті, сессия барысында депутаттық корпус облыс әкімінің өзіне жүктелген функциялар мен міндеттердің орындалуы туралы есебін қарады.
Нұркен КОБЖАНОВ, Қарағанды облыстық мәслихатының төрағасы:
«Бейіндік комиссия жұмысы аясында халықты, оның ішінде әлеуметтік осал топтарды тұрғын үймен қамтамасыз ету жөніндегі істердің жай-күйі туралы мәселе облыстың қалалары мен ауылдық өңірлеріне жұмыс топтарының шығуларында, жұмыс және бейіндік комиссиялардың кеңейтілген отырыстарында және облыстық басқармалардың, әкімдіктер өкілдерінің, қалалық және аудандық мәслихаттар төрағаларының қатысуымен тұрақты комиссиялардың бірлескен отырысында талқыланды».
Ермағанбет БӨЛЕКПАЕВ, Қарағанды облысының әкімі:
«Экономиканы одан әрі дамыту және жаңа жұмыс орындарын құру үшін жаңа инвесторларды іздеу бойынша мақсатты тұрақты жұмыс жүргізілуде. 56 жобадан тұратын пұл құрылды. Экономиканың дамуына «KamaTyresKZ» автомобиль шиналарын, «Сарыопан» кен орнындағы жоғары сапалы әкті, «Шұбаркөл Көмір» арнаулы коксын өндіру және тағы басқа жобалар өз үлесін қосуда. Экономиканы дамытудың негізгі драйверлерінің бірі-ауыл шаруашылығы саласы. Мал шаруашылығы өнімдерін өндіруді ұлғайту есебінен оң динамика бар. Ауыл шаруашылығы дақылдарының егіс алқаптары ұлғайтылды. 8 айда шамамен 279 мың шаршы метр тұрғын үй пайдалануға берілді. Ағымдағы жылға 40 лифтті ауыстыру бойынша жұмыстар жоспарланған, бүгінде Қарағанды, Балқаш қалаларында 27 лифт орнатылды. Теміртау, Шахтинск, Балқаш, Абай, Қарағанды, Саран қалаларындағы 35 көппәтерлі тұрғын үйде күрделі жөндеу жоспарлануда. Жылыту маусымына белсенді дайындық жүргізілуде. 22 қазандық пен 14 турбинада жөндеу жұмыстары аяқталды. Жөндеуде 14 қазандық пен 7 турбина бар. Ағымдағы жылы 17 инфрақұрылымдық жоба іске асырылуда, оның ішінде жылу желілерін салу және реконструкциялау бойынша. Биыл 1354 шақырым автомобиль жолдары жөндеумен қамтылды, «Қарағанды – Балқаш» республикалық автожолының 4 жолағы бойынша жол төсеуді аяқтау жоспарлануда. «Қарағанды – Қарқаралы» автожолының 4 учаскесіне орташа жөндеу жұмыстары жалғасуда. Экологиялық жағдайды жақсарту үшін жеке секторды газдандыруды жалғастырамыз. Мектепке дейінгі білім беруде 6 мектепке дейінгі ұйым ашу және жұмыс істеп тұрған жекеменшік ұйымдарды 1 350 орынға кеңейту есебінен балаларды қамту ұлғайтылды. Барлық мектептер оқулықтармен және компьютерлік техникамен толық жабдықталған. Биыл 115 нысанға жөндеу жұмыстары жүргізілді. 29 ауылдық мектепті жаңғырту жұмыстары аяқталуда. 7 ірі спорт нысандарының құрылысы мен реконструкциясы жүргізілуде. Сонымен қатар, қазіргі уақытта облыста стратегиялық және бюджеттік жоспарлау, сондай-ақ, бюджетті атқару процестерін цифрландыратын «еАкимат365» ақпараттық жүйесін енгізу бойынша жұмыс жүргізіліп жатқанын айта кеткім келеді».
Облыс әкімінің есебін тыңдап, депутаттар бірқатар мәселелерді көтерді.
Серғазы Әдекенов ғылым мен инновация негізінде экономиканы дамыту қажеттілігіне баса назар аударды. Инновациялық инфрақұрылымды – бизнес-инкубаторларды, коммерцияландыру орталықтарын, технопарктер мен конструкторлық бюроларды құру бойынша жеке бастамаларды қолдаудың декларативті емес, пәрменді шаралары қажет. Жобаларға отандық және шетелдік инвесторлардың қызығушылығын арттыру үшін барлық құқықтық және қаржылық мәселелерді шешу қажет, деп хабарлады депутат.
Серғазы ӘДЕКЕНОВ, Қарағанды облыстық мәслихатының депутаты:
«Қарағанды облысының айтарлықтай ғылыми-техникалық әлеуеті бар-бұл 6 университет, 5 ғылыми-зерттеу орталығы мен институт. Аймақтың университеттері мен ғылыми-зерттеу институттары ғылым, білім және өндірісті интеграциялау саласында айтарлықтай тәжірибеге ие».
Қадиша Оспанова – дуалды білім беруді жетілдіру, жастар кәсіпкерлігін, жаңа секторлардың экономикасын-креативті индустрия мен IT-секторды дамыту, медициналық инфрақұрылымды жақсарту, медициналық кадрлардың біліктілігін арттыру туралы.
Қадиша ОСПАНОВА, Қарағанды облыстық мәслихатының депутаты:
«Біз денсаулық сақтау мәселелерін тұрақты бақылауда ұстаймыз және халықтың өз денсаулығына, салауатты өмір салтына деген ортақ жауапкершілігін қалыптастыру бағытында көзқарастарды қайта қарау және мұны азаматтық сектор мен ғылымды осы жұмысқа белсенді тарта отырып, алдағы жұмыста басты назар аудару қажет деп санаймыз».
Депутаттық корпус облыс әкімінің өзіне жүктелген функциялар мен міндеттердің орындалуы туралы есебін назарға алды. Өңірді одан әрі дамыту үшін болашаққа арналған перспективалық жоспарлар мен ортақ міндеттер белгіленді.
Сессияда жоспарлы мәселелердің қатарында халықты, оның ішінде әлеуметтік осал топтарды тұрғын үймен қамтамасыз ету жөніндегі істердің жай-күйі туралы мәселе қаралды. Осы мәселені зерделеу үшін облыстық мәслихат төрағасының өкімімен уақытша жұмыс комиссиясы мен жұмыс топтары құрылды, олардың құрамына облыстық мәслихат депутаттары, уәкілетті органдардың, әкімдіктердің және аудандық мәслихаттардың өкілдері кірді.
Нұркен КОБЖАНОВ, Қарағанды облыстық мәслихатының төрағасы:
«Бейіндік комиссия жұмысы аясында халықты, оның ішінде әлеуметтік осал топтарды тұрғын үймен қамтамасыз ету жөніндегі істердің жай-күйі туралы мәселе облыстың қалалары мен ауылдық өңірлеріне жұмыс топтарының шығуларында, жұмыс және бейіндік комиссиялардың кеңейтілген отырыстарында және облыстық басқармалардың, әкімдіктері өкілдерінің, қалалық және аудандық мәслихаттардың төрағаларының қатысуымен тұрақты комиссиялардың бірлескен отырысында талқыланды».
Депутат Бейбіт Досжанов өңірдегі тұрғын үй қорын жаңарту және мемлекеттік-жекешелік әріптестік қағидаттарын белсенді енгізу, құрылыс жұмыстарының сапасын және құрылыс салушылардың жауапкершілігін арттыру қажеттігіне назар аударды.
Бейбіт ДОСЖАНОВ, Қарағанды облыстық мәслихатының депутаты:
«Екі жыл бұрын өткен шақырылымның депутаттары көтерген облыста тұрғын үймен қамтамасыз ету тақырыбы бүгінгі күнге дейін өзекті болып отыр. Мәселені пысықтау қорытындысы бойынша негізгі тәуекелдер анықталды. Бұл: сатып алу қабілетінің төмендігі, құрылыс салушылар үшін кредиттік ресурстардың қолжетімділігінің төмендігі, инфрақұрылым объектілерінің құрылысын қаржыландыруға қаражаттың жетіспеушілігі және т. б. Құрылыс кезінде әлеуметтік стандарттарды іске асыру үшін қандай шешімдер қажет екендігі туралы ойлану өзекті болып отыр. Осыған байланысты, депутаттық корпус аумақты кешенді салу осындай мүмкіндікті көздейтін әлеуметтік объектілерді қатар іске қосқан жағдайда ғана тұрғын үй салуға рұқсат беру мүмкіндігін қарауды ұсынады. Сондай-ақ, жалға берілетін тұрғын үй нарығын және әлеуметтік жалдау бағдарламалары бойынша ұсынылатын тұрғын үйді дамытуды одан әрі ынталандыру қажет».
Сессияда бірқатар өзекті мәселелер қаралды: Қарағанды облыстық мәслихатының депутаты Талғат Өтеубаевтың өкілеттігін мерзімінен бұрын тоқтату, жалпы су пайдалану ережелері, ауданаралық (қалааралық облысішілік) қатынаста жолаушыларды тұрақты әлеуметтік маңызы бар автомобиль тасымалдарына тарифтерді келісу туралы.
Саяси қуғын-сүргін құрбандарын оңалту, төтенше жағдайлардың алдын алу және оларды жою, дара кәсіпкерлер мен заңды тұлғаларды әлеуметтік кәсіпкерлік субъектілерінің тізіліміне қосу, сыбайлас жемқорлыққа қарсы іс-қимыл мәселелері жөніндегі комиссиялардың құрамы бекітілді; сондай-ақ өңірлік: нашақорлық пен есірткі бизнесіне қарсы іс-қимылға бағытталған мемлекеттік органдардың қызметін үйлестіру жөніндегі ведомствоаралық штабтың және кәсіпкерлік пен өнеркәсіп жөніндегі үйлестіру кеңесінің құрамы бекітілді.