Депутаттық корпус "Шахтер" ФК жекешелендіру мәселесі бойынша қоғамдық талқылау өткізді

Қарағанды қаласында «Шахтер» футбол клубы» акционерлік қоғамын жекешелендіру мәселесіне арналған көпшілік тыңдаулар өтті. Іс-шара Қарағанды облыстық мәслихатының әлеуметтік-мәдени даму және халықты әлеуметтік қорғау жөніндегі тұрақты комиссиясы төрағасының орынбасары Ерден Халилиннің модераторлығымен өтті.

Көпшілік тыңдау жұмысына барлық деңгейдегі мәслихат депутаттары, Қоғамдық кеңес мүшелері, Дене шынықтыру және спорт басқармасы мен «Шахтер» футбол клубы» акционерлік қоғамының өкілдері, спорт ардагерлері, қоғам қайраткерлері, спорт мектептерінің директорлары, жаттықтырушылар және өзге де мүдделі тұлғалар қатысты. Мемлекет Басшысы Қасым-Жомарт Кемелұлы Тоқаевтың футбол ұйымдарын одан әрі дамыту мен жаңғыртудың маңызды кезеңі ретінде коммерцияландыру жөніндегі шараларды іске асырудың маңыздылығын көрсеткен бастамасына барлық қатысушылар қолдау білдірді.

Өткізілген тыңдаулардың нәтижесі бойынша барлық айтылған пікірлер мен қабылданған шешімдерді бекітетін хаттама жасалды. Алдағы уақытта жекешелендіру мәселелері бойынша арнайы комиссия құру жоспарлануда, оның құрамына мемлекеттік құрылымдардың да, қоғам өкілдері де кіреді. Қолданыстағы заңнамаға сәйкес өткізілетін сауда-саттық «Шахтер» футбол клубын трансформациялау және нығайту процесінің жаңа кезеңі болмақ.