Облыстық мәслихат төрағасы Нұркен Кобжанов азаматтарды жеке қабылдады

Облыстық мәслихат төрағасы Нұркен Кобжанов Білім; Денсаулық сақтау; Экономика және бюджеттік жоспарлау; Жолаушылар көлігі және автомобиль жолдары; Энергетика және ТКШ басқармалары өкілдерінің, сондай-ақ Бұқар Жырау ауданы әкімдігі өкілдерінің қатысуымен азаматтарды кезекті жеке қабылдауды өткізді.

Алғабас ауылының тұрғындары жеке қабылдауда болып, ауылдың тіршілігі мен абаттандырылуына қатысты бірқатар маңызды мәселелерге алаңдаушылық білдірді. Олар мектепті жабу жоспарымен келіспейтіндіктерін білдіріп, ауылға жаңа отбасылар келетінін атап өтті. Спорт залының жоқтығы, ауылға кірме автожолды жөндеу қажеттілігі, сондай-ақ көлікке қолжетімділікті жақсарту үшін кентішілік жолдар салу туралы сұрақтар айтылды.

Сондай-ақ денсаулық сақтау мәселелері талқыланды: тұрғындарға ыңғайлы болу үшін дәрігердің жұмыс кестесін жасау, жедел жәрдем көлігін жаңарту және медициналық пункт үшін қолда бар ғимаратты жөндеу қажет. Маңызды мәселе-жөндеуді қажет ететін сорғы станциясының жағдайы. Су мұнарасы мен трансформаторды жөндеу және қоршау, сондай-ақ зират маңындағы жерді рәсімдеу туралы өтініш айтылды.

Облыстық мәслихаттың төрағасы Нұркен Кобжанов жеке қабылдауды өткізу қорытындысы бойынша бейінді мемлекеттік органдарға Бұқар Жырау ауданы мен ауылдық округ әкімдерімен бірге ағымдағы проблемаларды шешу үшін жұмыстың басым бағыттарын айқындау ұсынылды.

Келіп түскен өтініште көрсетілген мәселелер облыстық мәслихаттың бақылауына алынды.