Облыстық маслихаттың әлеуметтік инфрақұрылым нысандарын салу және жөндеу мәселелері бойынша қорытынды жиыны өтті

Облыстық мәслихат депутаттары төраға Нұркен Кобжановтың басшылығымен облыс әкімінің бірінші орынбасары Азамат Тайжановтың қатысуымен өңірдегі әлеуметтік инфрақұрылым нысандарын салу және жөндеу мониторингінің нәтижелері бойынша қорытынды кеңес өткізді. Көшпелі іс-шаралар аясында барлық деңгейдегі депутаттардан, атқарушы органдардың басшыларынан және жергілікті өзін-өзі басқару өкілдерінен тұратын облыстық мәслихаттың жұмыс топтары 70 нысанға (30 денсаулық сақтау нысаны және 40 білім беру нысаны) барды. Мониторинг барысында жұмыстарды орындау кестесінен артта қалу, құрылыс жұмыстары мен ішкі әрлеу сапасының төмендігі, абаттандырудың болмауы, сондай-ақ салынған нысандарды коммуналдық меншікке уақтылы бермеу сияқты түйінді мәселелер анықталды.

Депутаттар «Ауылда денсаулық сақтауды жаңғырту» және «Жайлы мектептер» ұлттық жобаларын іске асыру мәселелеріне ерекше назар аударды. Облыстық басқармаларға анықталған ескертулерді жою және жұмыс қарқынын жеделдету, стандарттардың сақталуына авторлық және техникалық бақылауды күшейту, нысандарды уақтылы тапсыру және пайдалануға беру, сондай-ақ іргелес аумақтарды көгалдандыру және абаттандыру бойынша нақты ұсынымдар берді. Сонымен қатар, ауылда жұмыс істеу үшін білікті мамандарды тарту қажеттігін атап өтті.

Кеңес қорытындысы бойынша депутаттар денсаулық сақтау және білім беру нысандар салу кезінде авторлық және техникалық қадағалау жүргізу үшін жауапкершілікті қатаңдатуға бағытталған нормативтік-құқықтық актілерге өзгерістер енгізу мақсатында бейінді ведомстволарға ұсыныстар жолдауды жоспарлап отыр.

Сондай-ақ жауапкершілікті арттыру және өнім берушілердің құрылыс міндеттемелерін уақтылы орындауы бойынша мемлекеттік сатып алу туралы заңнаманы жетілдіру бойынша бастамалар көтеретін болады.

Өңірде құрылыс жобаларын іске асыру мәселелері облыстық мәслихаттың бақылауында.