Облыстық мәслихат депутаттары жергілікті жерлерде ұлттық жобалардың іске асырылу барысына мониторинг жүргізуді жалғастыруда

Әлеуметтік маңызы бар нысандарын салу және жөндеу мониторингі аясында облыстық мәслихат депутаттары Красная-Нива, Центральный және Тасауыл ауылдарында медициналық пункттер салу жөніндегі жұмыстардың ағымдағы жай-күйімен, сондай-ақ Бұқар Жырау ауданының Гагаринское ауылындағы мектепке жапсаржай салу және Ғ.Мұстафин кентінде жайлы мектеп салу барысымен танысты.

Облыстық мәслихат төрағасы Н.С.Кобжанов, аудан әкімі Е.Б. Құсайын, аудандық мәслихат төрағасы А.С.Әли, Құрылыс, денсаулық сақтау басқармалары мен МСҚБ өкілдерінің, сондай-ақ мердігерлер мен ЖӨБ мүшелерінің қатысуымен өткен құрылыс нысандарын аралау барысында кемшіліктер анықталды. Атап айтқанда, жұмыс көлемі бекітілген кестелерден артта қалуда, ал құрылыс және әрлеу жұмыстарының сапасы оларды жою бойынша қосымша іс-шаралар жүргізуді талап етеді. Бұдан басқа, Тасауыл ауылында салынған медициналық пунктке инженерлік-коммуникациялық инфрақұрылымды қосуды қамтамасыз ету қажет.

Сондай-ақ, депутаттар Қызылжар ауылындағы «Арлан» спорт клубына барды. Аудан әкімдігінің бастамасымен 2023 жылы бұрын иесіз қалған ғимарат теңгерімге қабылданып, жөнделіп, коммуналдық меншікке берілді, бұл 15 жасқа дейінгі жастар арасында дене шынықтыру мен спортты дамытуға жағдай жасады.

Облыстық мәслихат депутаттарының жұмыс топтары жергілікті жерлерде ұлттық жобалардың іске асырылу барысына мониторинг жүргізуді жалғастыруда. Сапар қорытындысы бойынша барлық мүдделі тараптардың қатысуымен анықталған мәселелерді талқылау және оларды шешу бойынша одан әрі шараларды айқындау үшін кеңес өткізу жоспарланған.