Мәслихат депутаты Т.Т. Шәкенов жеке тұрғын үйді орталықтандырылған кәріз жүйесіне қосу мәселесі бойынша тұрғынның өтінішін қарады.

2026 жылғы 30 маусымда мәслихат депутаты, қаланың Қоғамдық кеңесінің мүшесі Т.Т.Шакенов Ленинград көшесі, 36 "А" 1-үй мекенжайындағы азамат С.И.Казаковтың өтініші бойынша жеке тұрғын үйді қаланың орталықтандырылған кәріз жүйесіне қосу мәселесі бойынша көшпелі отырыс өткізді.

Онда тұрғын үй-коммуналдық шаруашылық, жолаушылар көлігі және автомобиль жолдары бөлімі басшысының м.а. А.Т.Айтышов, сондай-ақ "Шахтинскводоканал" ЖШС өндірістік-техникалық бөлімінің бастығы А.Г.Петрова қатысты.

Кездесу барысында депутат қолданыстағы мемлекеттік қолдау шараларын пайдалана отырып, өтініш берушіге жәрдем көрсету мүмкіндігі туралы мәселе көтерді, өйткені өтініш беруші мүгедек адам.

Өкілетті органдардың қызметкерлері сумен жабдықтаушы ұйым өз құзыреті шеңберінде орталықтандырылған кәріз жүйесіне қосылу нүктесін ақы алмай беруге дайын екенін түсіндірді. Сонымен қатар, тұрғын үй-коммуналдық шаруашылық бөлімінде жеке тұрғын үйді орталық кәріз жүйесіне қосу жөніндегі жұмыстарды қаржыландыру үшін  құқықтық негіздер жоқ.

Өтініш берушіге тиісті түсініктемелер беріліп, депутат осы мәселенің қолданыстағы заңнама шегінде қарастырылуы одан әрі бақылауда болатынын атап өтті.