2026 жылғы 11 маусымда Шахтинск қалалық мәслихатының төрағасы Ж. С. Мамерханова қалалық мәслихат депутаты М.Р. Қадыровамен бірлесіп "Q88 аумақтарды орнықты дамыту қауымдастығы" ҚБ ұйымдастырған II жыл сайынғы "Қазақстандағы қалалық ұтқырлықты дамыту"атты форумына қатысты.

Форум жұмысына Қазақстан Республикасы Парламенті Мәжілісінің депутаттары, оның ішінде Н.С. Шаталов, әртүрлі деңгейдегі депутаттар, көлік Министрлігі, Ішкі істер Министрлігі және қаржы Министрлігін қоса алғанда, орталық мемлекеттік органдардың өкілдері, өңірлік полиция департаменттерінің басшылары, жолаушылар тасымалы мен микромобильді сервистерінің агрегаторларының өкілдері, салалық сарапшылар, сондай-ақ жергілікті атқарушы органдардың өкілдері қатысты.

Форум барысында қалалық ұтқырлықты дамыту, жолаушылар тасымалы саласын жетілдіру, платформалық жұмыспен қамту, салықтық реттеу және микромобильділікті дамытудың өзекті мәселелері қаралды.

Қатысушылар осы бағыттардағы нормативтік-құқықтық базаны одан әрі жетілдірудің қазіргі сын-қатерлері мен перспективаларын талқылады. Форум бизнес, депутаттық корпус, орталық және жергілікті атқарушы органдар өкілдері арасындағы ашық және сындарлы диалог үшін тиімді алаңға айналды.

Қалалық ұтқырлықтың өзекті мәселелерін талқылау көлік қызметтерінің сапасын арттыруға, заманауи қалалық инфрақұрылымды дамытуға және азаматтар үшін қолайлы және қауіпсіз орта құруға бағытталған ұсыныстарды әзірлеуге мүмкіндік берді.