Өткен аптада қалалық мәслихаттың бейіндік комиссияларының бірлескен отырысы және Кезектен тыс XXVI сессиясы болып өтті, отырыс барысында 2026–2028 жылдарға арналған бюджетті нақтылау мәселелері қаралды.

Депутаттар Шахтинск қаласы мен Долинка, Новодолинский және Шахан кенттерінің бюджеттік параметрлеріне әлеуметтік-экономикалық дамудың басым бағыттарын ескере отырып енгізілетін өзгерістерді талқылады.

Бюджетті нақтылау бюджеттік бағдарламалар әкімшілері бойынша жүргізіліп, келесі бағыттарға бағытталды:

әлеуметтік саланы және халықты жұмыспен қамтуды қолдау;
ішкі саясат саласындағы іс-шараларды іске асыру;
тұрғын үй-коммуналдық шаруашылықтың тұрақты жұмысын қамтамасыз ету;
жер қатынастарын жетілдіру және жер ресурстарын ұтымды пайдалану;
жергілікті бюджетті теңгерімді жоспарлау және орындау;
Шахан кенті әкімінің аппараты қызметін қамтамасыз ету.

Сонымен қатар, депутаттар Шахтинск қаласы, Долинка, Новодолинский, Шахан кенттерінің коммуналдық мүлкін мүліктік жалға алу (жалдау) үшін жалдау ақысының мөлшерлемесін келісу туралы, 2026 жылға арналған шетелдіктер үшін туристік жарна мөлшерлемелерін бекіту туралы мәселелерді қарады.

Аталған үш мәселе бойынша депутаттар алдында «Шахтинск қаласының экономика және қаржы бөлімі» ММ басшысының міндетін атқарушы Э.И. Федюшкина баяндама жасап, қаражатты бөлудің негізгі тәсілдерімен таныстырды және басым бағыттар бойынша ұсынылып отырған өзгерістерді негіздеді.

Талқылау қорытындысы бойынша депутаттар ұсынылған бастамаларды қолдап, тиісті шешімдер қабылдады және мәселелерді қалалық мәслихаттың Кезектен тыс XXVI сессиясының бекітуіне енгізді.