2026 жылғы 5 қаңтарда Қазақстан Республикасы Парламенті Сенатының депутаты Утешов Серик Балгатаевич қалалық мәслихат депутаттарымен және қалалық Қоғамдық кеңес мүшелерімен кездесті.
2026 жылғы 5 қаңтарда Қазақстан Республикасы Парламенті Сенатының депутаты Утешов Серик Балгатаевич қалалық мәслихат депутаттарымен және қалалық Қоғамдық кеңес мүшелерімен кездесті.
Кездесуге Шахтинск қаласының әкімі М. Е. Кыдырганбеков қатысты.
Кездесу диалог форматында өтті, оның барысында депутаттар мен Қоғамдық кеңес мүшелері өңірдің дамуына қатысты өзекті сұрақтар қойып, түсініктемелер алды.
Кездесу аясында:
- облыстық маңызы бар қаланың әкімшілік бағыныстағы кенттерінде «Ауыл аманаты» жобасын іске асыру;
- I топтағы мүгедектігі бар, жүріп-тұруы қиын адамдар үшін жеке көмекшінің қызметтерін орындау, сондай-ақ I топтағы мүгедектерге күтім жасайтын адамдарға мемлекеттік жәрдемақы мөлшерін ұлғайту;
- I топтағы мүгедектігі бар адамға күтім жасау кезеңін зейнеткерлікке шыққан кезде қамқоршылардың еңбек өтіліне қосу;
- арбаларды пайдалану мерзімін 3 жылға дейін төмендету;
- жылумен жабдықтау сапасын жақсарту және кейіннен жеке сектор абоненттерін орталықтандырылған жылумен жабдықтауға қосу мақсатында Шахан кентінде ОЖП (орталық жылу пункттері) құрылысын қаржыландыру қажеттілігі;
- «Саран-Шахан-Шахтинск» автомобиль жолына күрделі жөндеу жұмыстарын аяқтау;
- Новодолинский кентінен бұрынғы ҚАИ Абай бекетіне дейінгі учаскеде «Қарағанды – Есенгелді» автомобиль жолын жөндеу қажеттілігі;
- регресстік талаптарға қатысты заңнамаға өзгерістер енгізу қажеттілігі;
- Новодолинский кентінен Шахан кентіне дейінгі «Новодолинка – Шахан – Молодецкое» автомобиль жолының учаскесін жөндеу қажеттілігі;
- Новодолинский кентінде су құбыры желілерін салу бойынша жұмыстарды аяқтау қажеттілігі;
- Екінші деңгейдегі банктер арқылы шағын және орта бизнес субъектілеріне кредит беру бөлігінде заңнамаға өзгерістер енгізу қажеттілігі, сондай-ақ кепіл мүлкіне қойылатын талаптарға қатысты мәселелер көтерілді.
Сондай-ақ, қалалық мәслихат төрағасы Ж. С. Мамерханова үйсіз және қаңғыбас иттерге арналған жеке панажайлардың жабылуына байланысты оларды уақытша ұстау мақсатында мемлекеттік панажайлар құру мәселесін шешу қажеттілігін айтты.
Кездесуден кейін Қазақстан Республикасы Парламенті Сенатының депутаты С. Б. Утешовтың жеке қабылдауы өткізілді.
Қала тұрғындары депутатқа жеке сұрақтарымен жүгінуге мүмкіндік алды. Қабылдау барысында: нормативтік құқықтық актілерге «ірі көлемді қалдықтар» анықтамасын нақтылау және оларды жеке тұлғалар, заңды тұлғалар және жеке кәсіпкерлер үшін шығару жөніндегі міндеттерді бекіту бөлігінде өзгерістер енгізу қажеттілігі; интернационалист-жауынгерлерге (Ауғанстандағы әскери қимылдарына қатысушылар) қатысты НҚА-ға өзгерістер енгізу қажеттілігі тақырыбындағы мәселелер көтерілді.
Кездесуде және жеке қабылдау барысында айтылған барлық мәселелерді Қазақстан Республикасы Парламенті Сенатының депутаты С.Б.Утешов қолданыстағы заңнама шеңберінде одан әрі қарау және пысықтау үшін бақылауға алды.
Кездесу сындарлы және жұмыс атмосферасында өтті.