Қарағанды облыстық мәслихаты депутаттарының Нұра ауданына жұмыс сапары

     2025 жылдың 16 шілдесінде Қарағанды облыстық мәслихатының депутаттары, бюджет және жергілікті басқару мен өзін-өзі басқаруды дамыту жөніндегі тұрақты комиссияның мүшелері Р.К. Әбдікеров пен Ж. Серікұлы фельдшерлік-акушерлік пункттердің құрылысы жүргізіліп жатқан Нұра ауданының Музбел және Тассуат ауылдарына   мониторинг шеңберінде іс-сапармен келді. Жұмыс сапарының барлық кезеңдеріне Нұра аудандық мәслихатының төрағасы Қ. Ө. Жүнісбеков және Қарағанды облысының құрылыс, сәулет және қала құрылысы басқармасы басшысының орынбасары А. Г. Смағұлов қатысты.

    Іс-сапар қорытындысы бойынша келесідей ұсынымдар әзірленді:

    - жергілікті әкімдерді жергілікті жерлерде қадағалауды күшейту мақсатында құрылысты бақылау жөніндегі комиссияның құрамына енгізу;

    - құрылыс мерзімінен қалу себептері туралы жария есепті ұсыну және жұмыстарды аяқтаудың нақты жоспарын ұсыну үшін мердігер ұйымдар басшылығының облыстық мәслихаттың тұрақты комиссиясының отырысына қатысуына бастамашылық жасау.