Бұқар жырау аудандық мәслихатының тұрақты комиссияларының отырысы

24-ші қыркүйек күні Бұқар-Жырау аудандық мәслихатының тұрақты комиссияларының бірлескен отырысын өткіздік.
Отырыс барысында аудандық мәслихаттың 49-сессиясының күн тәртібіне енгізілген мәселелер қаралды. Атап айтқанда, аудан әкімінің есебі, ауданның әлеуметтік сала нысандары мен коммуналдық тұрғын үй қорының 2026–2027 жылдардағы жылыту маусымына дайындығы, салықтар мен бюджетке төленетін басқа да міндетті төлемдердің түсімі, сондай-ақ мәслихаттың қолданыстағы шешімдеріне өзгерістер енгізу және аудандық мәслихат аппаратының Ережесін бекіту мәселелері талқыланды.
Қаралған мәселелер бойынша депутаттар жауапты мемлекеттік органдардың ақпараттарын тыңдап, сұрақтар қойып, ұсыныстар мен ескертулер білдірді.
Отырыс қорытындысы бойынша сессияның қарауына ұсынылатын мәселелер тұрақты комиссиялар мен депутаттардың ұсыныстарын ескере отырып пысықталды.
Күн тәртібіндегі мәселелер бойынша түпкілікті шешімдер мәслихат сессиясында қабылданады.