2025 жылғы 16 мамырда Қарағанды облыстық депутаттары Қ.Б.Оспанова, М.А.Махатчина және А.Ж.Аманжолов облыстық мәслихат сессиясында қаралатын"Қоғамда бұқаралық мәдениетті қалыптастыру аясында әлеуметтік-мәдени нысандар жұмысының тиімділігі туралы" мәселені дайындау мақсатында Ақтоғай ауданына жұмыс сапарымен келді. Аудандық мәслихат төрағасы, аудандық депутаттар және тиісті лауазымды тұлғалармен бірге бірнеше кент, ауылдық округтерге барып, әлеуметтік-мәдени нысандарды аралады. Нысандарды аралау барысында олардың жұмысымен танысып, өзекті мәселелерге назар аударды.