Ақтоғай ауданында жүргізіліп жатқан кәріз жүйесінің құрылыс жұмыстарының барысымен танысу мақсатында арнайы Аудандық мәслихат депутаттары, қоғамдық кеңес Төрағасы мен мүшелері, аудан әкім орынбасары, ауыл әкімі, "Аманат"партиясы, нысандарды аралап шықты. Аралау барысында құрылыс жұмыстарының сапасы, мерзімге сәйкестігі және техникалық талаптардың сақталуы тексерілді. Мамандар тарапынан жүргізіліп жатқан жұмыстардың кезең-кезеңімен жүзеге асырылып жатқаны атап өтілді. Сонымен қатар, кейбір учаскелер бойынша туындаған мәселелер талқыланып, оларды шешу жолдары қарастырылды. Жұмыс сапасын арттыру және белгіленген мерзімде аяқтау мақсатында мердігер ұйымдарға нақты тапсырмалар берілді. Құрылыс барысы алдағы уақытта да тұрақты бақылауда болады.